Zuderzee

Plan Lely mit de Ofsluutdiek en dreugleggingen

De Zujerzee was de naam van de grote binnenzee die, tot de sluting van de Ofsluutdiek (1932), lag op de plekke van wat noe 't Iesselmeer is. Nao 't gereedkommen van de Ofsluutdiek wönnen 't waoter Iesselmeer eneumd, naor de revier de Iessel die derin uutmondt.

De Zujerzee ontstong in de lop van de middeleeuwen uut een merencomplex dat in de Romeinse tied al bekend stong as Flevo Lacus (Flevomeer). De soms weuste binnenzee was zowel een vleuk as een zegen veur de bewoners van 't umliggende laand. Diverse waotersnoden tröffen de umliggende gebieden.

Haandelsschepen bevoeren de zee; havensteden as Kampen en Harderwiek beheurden tot de Hanze, en via de Zujerzee voeren VOC-schepen naor Hoorn en Amsterdam. Ok wönnen der volop evist. In 1900, toe de Zujerzeevisserieje op heur hoogtepunt was, wönnen der zo'n 3000 platbojems actief waormee evist wönnen op hering, ansjovis, paoling, bot en gernaolen.