Kaarvel

Kaarvel

Kaarvel (Latien: Anthriscus cerefolium) is een vaste plant uut de schaarmbloemefemilie (Apiaceae). Disse soort wort algemeen eteeld en is soms verwilderd. De schaarmen bin samen-esteld uut witte bloempjes die vrie vrog bleuien. De plant kan 1 meter hoog worren. De gladde stengels bin hol en alleen boven de knopen behaord. De schaarmstraolen bin oek behaord. De kaarvel is verwant an de wortel en pieterselie. De blaojen van de kaarvel ruken naor anies.

Eigenschappen

De bloem is wit en het een deursnee van drie tot vier millimeter. Elk bloempjen het een umwienseltjen en vuuf kroonblaojen.

De bloemen vormen samen-estelde schaarmen mit acht tot vuuftien schaarmstraolen. De bleuiperiode loopt van mei tot juni.

De blaojen bin twee- tot drievoudig eveerd; de onderkant is zachtbehaord.

Kaarvel het cilindervormige onbehaorde vruchjes mit een snavel, die half zolang is as de vrucht. Alleen de verwilderde vorm het korte weerhaakjes op de vrucht. De vrucht is een tweedelige splitvrucht mit eenzaojige deelvruchtjes.

Gebruuk

Kaarvel wort gebruukt as keukenkruud. In België is kaarvelsoep een bekende specialiteit. Veur de krujenteelt worren meestentieds eenjaorige planten gebruukt. Véúr de bleui hen de blaojen de meeste geur.

Der bin een paor plantesoorten die veul op kaarvel lieken mar giftig bin zoas

• dolle kaarvel (Chaerophyllum temulum) die zien naam te danken het an 't feit dat koen as ze der veul van eten zich as dronkeluui gaon gedragen.
• evlekte schierling (Conium maculatum) dat gebruukt wordde deur de ouwe Grieken veur 't uutvoeren van een doodvonnis.

Foto-uutstalling

• 
• 
• 
• 

Commons: Kaarvel - plaatjes, filmkes en/of gelüüdsbestanden.

Disse pagina is eschreven in 't Putters