Hugin en Munin

"Wodan up syne trone, med in de hande synen spear Gungnir, an syne vöte de wulven Geri en Freki en nöäst em de raven Huginn en Muninn," verbealding van Carl Emil Doepler

Hugin en Munin (meysttyds ouk: Huginn en Muninn) sint twey raven uut de germaanske mytology. See sint helpers van den uppergod Wodan. Hugin en Munin vleget daags de neagen wearlden oaver en lüstert en kyket wat de lüde so by den ende hebbet. An et ende van den dag gåt se weaderümme når Wodan, landet up syne skolders en flüstert em allens wat se seen hebbet in de oren.

Huginn en Muninn wordet enöömd in de Dichterlike Edda, dee samensteld is in de 13. eywe uut öldere traditionäle brunnen: de verhaaledda en de Heimskringla van Snorri Sturluson en in de Darde Grammatikale Verhandeling van Óláfr Þórðarson en in de dichtkünst van de skalds.

Naam

De namen Hugin en Munin sint verwant an de neadersassiske wöörde höygen en meynen.

Y müt et mär weaten

• In et album De Vinnige Viking van Suske & Wiske koamet Hugin en Munin ouk vöär
• Wat lüde meynet dat Hugin en Munin de vöärloupers sint van Zwarten Piet