Verskil tüsken versys van "De Museumfabriek"
K Bot: automatiese tekste vervöngen (-Kattegerie: +Kategorie:) |
K Dousaer hevt de syde TwentseWelle hernöömd når De Museumfabriek |
(Geen verskil)
| |
Versy up 13:54, 29 okt 2018
TwentseWelle is n museum vuur Tweantse strekkultuur in Eanske, opricht in 2008 duur n samengoan van dree instellings: Natuurmuseum Enschede, t Van Deinse Instituut en Museum Jannink.
Met hölpe van (inter)aktieve presentasies löt TwentseWelle de geschiedenisse van de meanske in de strek zeen, vanof hoo't de meanske de strekke vlak noa de leste iestied inköm en doar bleef wonn ('t Grote Verhaal'). De natuur, de jacht, t biemekaargaddern, t boeren, de ontwikkeling van laand noar stad en strekke, t ontstoan van de industrie, arbead, verniejing, techniek en samenleaving bint hierin de vuurnaamste oonderwaarpn.
Ne grote vuurroad netuurhistorise- en kultuurhistorise vuurwaarpn sloet hierop an en is te zeen achter glas in één van de grötste vitrines van Uropa. Verschillende aparte diorama's legt t verbaand met mondiale thema's as water, zelfbeeld en geleuf. n Proonkstuk is t volledig noa ebouwde lösse hoes, woer a'j zo in en oet köant loopn.
t Museum is op t zelf ontdekn richt. Det heuld in det leu zelf in käste mut kiekn, duurkes löstrekn en öar egene pad mut bepoaln. Ook köant leu ne audiotoer anvroagn, woerbie bie elk vuurwaarp n verhaal wörd verteld. TwentseWelle is gangs um den, nöast Hollaands, Duuts en Engels, ook in t Tweants te kriegn.
De oetgevverie TwentseWelle gef beuke oet, dee met de oonderwaarpen van t Grote Verhaal te maken hebt.
Nöast t vaste Grote Verhaal van Twente, hef TwentseWelle ok wisselnde tentoonstellings, zo as in 2009-2010 t verhaal van Oost-Duutslaand oonder t kommunisme.