Darp

Zie Darp (deurverwiezing) veur andere betekenissen van darp

Uutspraak van t woord darp in t Nedersaksies

n Darp is n kleine woenplek. De grootte van n darp, wat t antal woeningen angaot, is niet krek vasteleid. n Darp is groter as n gehucht, mar kleinder as n vlek en n stad. n Meugelik verschil tussen n gehucht en n darp kan wezen dat n darp n kark het. Dit wort oek wel n karkdarp eneumd.

n Vlek en n stad hen daorentegen n mart, die'j over t algemeen in n darp niet zien.

In t oosten van t land laggen naost hoger elegen akkercomplexen, die essen eneumd worren, de esdarpen.

n Are vorm is t lientdarp, die'j bieveurbeeld in veenkoloniën vienen.

Darpen vie'j in landelike gebiejen. Darpen waren tot de industriële revolusie, en de verstejeliking die daordeur ontstung, de meest veurkommende woenvorm.

Nedersaksies

[disse mal bewarken]

• Achterhooks: darp
• Drèents: darp, dörp, dorp
• Grunnegs:
  
  • loug
  • dörp
    • t Woord 'dörp' kin verwiezen noar zowel de gemainschop as de woonstee (de hoezen). t Woord 'loug' allend noar de woonstee. Dus: "Wie laipen mit t haile dörp deur t loug hìn veur de stille tocht."
• Sallaands: darp, därp, dorp, dörp

• Stellingwarfs: dörp, dorp
• Tweants: doarp, darp, daarp, dorp, dörp
• Urkers: dörp
• Veluws: darp, daarp, därp, dorp, dörp
• Eemslaands: dörp

• Oostfrais: loug, dörp

Dit artikel is eskreaven in et westveluwske dialekt van Putten, in de Algemene Nedersaksiese Schriefwieze.