Verskil tüsken versys van "Woapen van Hoksebarge"

Uut Wikipedia, de vrye encyklopedy
Verwijderde inhoud Toegevoegde inhoud
Nieje zied: 'thumb|right|250px|t Woapen van de gemeante Hoksebarge. t '''Woapen van Hoksebarge''' is t woapen van de Oaweriesselse gem...'
(Geen verskil)

Versy up 13:19, 21 jun 2016

t Woapen van de gemeante Hoksebarge.

t Woapen van Hoksebarge is t woapen van de Oaweriesselse gemeante Hoksebarge. t Woapen wörn deur n Köninklik Besloet öp 5 jannewoari 1948 an de gemeante geawen.

Blazoenerige

De omskriewige van t woapen is (in t Neerlaands):

"In keel een omgekeerd pentagram van goud. Het schild gedekt met een gouden kroon van drie bladeren en twee paarlen."[1]

De heraldieske kleurn bint keel (rood) en gold (geel). Met de krone is t ok nög zilver (wit) en sinopel (groon).

Skiednisse

Öp 14 noveamber 1898 wörn deur de Hoge Raad van Adel n woapen an de gemeante geawen met as omskriewige:

"In keel een omgekeerde vijfpuntige ster van goud."[2]

Öp 5 jannewoarie 1948 wörn t woapen deur n Köninklik Besloet wiezigd: t skild wörn met ne grävekrone dekt en de sterre wörn n öm-keard pentagram. t Pentagram zöl verwiezen können van de marken Hoksebarge-Honesk dee roond 1800 tesoamen gungen in eane marke met doarömhenne de marken Buurse, Langel, Brammel, Bokel, en Holthuuzn-Stepel-Epnzoalder, dee ok doe tesoamen gungen.

t Woapen is mögelik older as wanneer t an de gemeante geawen is. Zo bint oldere ofbealdingen bekeand van de twea klokken van de Pancratiuskarke, dee in 1737 moakt wörn en in 1907 vervangen wörn.[3] De sterre was doe n pentagram met roonde peunte.[4] Öp n old aarf in Langel wörn nen zoadskeppel met n iekmark vönden, öp n skeppel steet t joar 1788 met doarin ne viefpeuntige sterre.[5] In de Stoatenzoale van t verleantiedse gouvernementsgebaauw van de Proveensie Oaweriessel in Zwol is t woapen van Hoksebarge weer-geawen as n zilvern skild met ne blaauwe sterre.

Ofbeeldingen

Referensies

  1. Wapen: gemeente Haaksbergen (1948). Hoge Raad van Adel. Bezocht: 21 juni 2016.
  2. Wapen: Gemeente Haaksbergen (1898). Hoge Raad van Adel. Bezocht: 21 juni 2016.
  3. Geschiedenis van het kerkgebouw öp pvhaaksbergen.nl. Bezocht: 21 juni 2016.
  4. De klokken van de St. Pancratiuskerk te Haaksbergen öp historischekringhaaksbergen.nl. Bezocht: 21 juni 2016.
  5. De ouderdom van het Wapen van Haaksbergen öp historischekringhaaksbergen.nl. Bezocht: 21 juni 2016.