Hippiekultuur

De Hippiecultuur is 'n jeugdkultuur, subkultuur en 'n teegnkultuur, wölken in midden van de jaoren '60 opkwaam. Hippies wöd ok wel ezien as de 'makers' van de flowerpowerbeweging en bint daorumme ok vake verbunnen met de sekswele, muzikale en sociale revolutie(s) van en midden jaoren '60 töt begön jaoren '70. 't Uutkommen van Sgt. Pepper's Lonely Hearts Club Band (1967) van The Beatles wöd wel iens 't begön enuumd van disse flowerpowerbeweging. 'horsefighter' en 'amor faya' waren veelgebruikte termen onder de hippies.

Hippiefilesofie

Hippies warren teengn de kapitalistiese en materialistiese maotskappi'je van den tied. Ze preuten der van dat disse maotskappi'je völle gebruuk maakt van technologie, en zeen dat dit zörg veur onnetuurlikheid, kunsmaotigheid en milieuvervuuling. Meansen in disse maotskappi'je bint knieperds, vernemstige en greutsige luu en bint uut op vastigheid en macht. En dat giet naor burgerlikheid, en deur de völle regels die der warren bint meansen krang ewörn in eure vri'jheid. Ok de vri'jheid wölken meansen hebt in eur gevuulns en ideen wörn onderdrökt, wat uuteanlik zol gaon naor 'n geestlikn leugigheid. Ok hebt 'n hippies zuch drok emaakt um de oorloongn en liefdeloosheid van d' weerld.

Hippies göngn nie op 'n plein staon demonstreern, met 'n hoop dat der wat zolln gao veraandern, maor zi'j haadn van dat as 't noe goed konnen ween, dan was 't noe goed. Hippies göngn zölf leven zo as zi'j dat graag ezien haadn, um as veurbeeld te ween. Meestenstied stapten zi'j uut de maotskappi'je en göngen zölf aans leven, dit nuume wi'j dan ok 'n teengnkultuur. Det Hippies aans warren, wörn benaodrukt deur de opvallende kleren wat zi'j dreugen. 't Leven buuten de reguliere maaschappi'je vunnen manks plase in 'n commune, hierin was men ericht op goede communicatie, zörgzaamheid, en 't delen van völle zaken met mekare. Hierin kon men ok zien ecologische ideaolen töt uutdrokking brengen deur simpel, natuurlijk en zelfveurzienend te leven. Liefde stön ok in 't middn, men waar dus veur pacifisme, vrede en geliekheid tussen rassen. De leefwieze van de Hippie was ericht op vri'jheid, spontaniteit, creativiteit en plezier. De vri'jheid umvatte ok seksuele vri'jheid, woarbi'j seksuele taboes (bi'jveurbeeld op openbare naaktheid) wed deurbreuken en de vri'je liefde (ok buuten vaste relaties umme) wed bedreven. De Hippie proberen zien gieste te verrieken en töt ni'je ideeën te kom. Ienerzieds via giestveruumde middelen (drugs), die wed ezeen as 'n methode um 't bewustzien van meensen te verbeteren. Aanderzieds ok met hulp van oosterse rilligie, mystiek en spirretwaliteit.

Dit artikel is eskreaven in et sallandske dialekt van 't Vechtdal, in de ANS.