Impressionisme

't Impressionisme is nen kunststromig uut de twede helfte van de 19e ewe.

't Begun

't Impressionisme haren zien begun bi-j jonke kunstschilders, den nie meer voolgs de strengn regels van de akedemies wollen hen schilderen. In Fraankriek hef de stroming zien oorsprung.

Wat aans warken van dit volk was, was dat zi-j de streken op n doek duudlik leuten zien. 't Zagen der almoale as schetsies uut. Woar as de Akedemiesen strak en netties in warken gungen. Ok gungen zi-j 't moderne leven van, beveurbeeld, Parijs schilderen. Zo schilderen zi-j hoeren, zoepend volk of meansen halfnaakt an de waterkaante. Woar as de Akedemiesen onderwarpen keuzen die uut de mythelogies of uut de geschiedenisse kwaam. Ok was tiepies Impressionisties da'ze zöchen noar lecht. Völle wörden der 't lechtval eschilderd doar eur.

Bekenden namen van dissen schilders waren Claude Monet, Pierre-Auguste Renoir, Edgar Degas en Paul Cézanne.

Begunnens wörden dn duuke van eur deur meansen uut-elachen en eschölden. Luu dachen da'zi-j wark exposeren wat alginnie of was. Later kregen eur dan wel stieds meer volk der bi-j, wat ok op dissen meniere in schilderen gungen. En nie völle later kregen eur net zo völle veur eur duuke als schilders den op de Akedemiesn meniere schilderen deun.

Noa eur, zo in de joaren '90 van de 19e ewe, gungen aandere schilders nog varder as eur. Den gungen 't kleurgebruuk aans doe, de vörms aans en 't kwaam doarvan op aanderen menieren van schilderen an. Zo as 't wark van Paul Gauguin, Paul Cezanne en Vincent van Gogh. Disse stromings numen ze tegenwoordig 't Postimpressionisme. Paul Signac en Georges Seurat gungen schilderen met punties, baseerd op eur eigen kleurenleer. Disse stroming is noe bekend as 't Pointelisme.

Dit artikel is eskreaven in et sallandske dialekt van 'n Arnbarreg.