Klarenbeek

Klarenbeek (uutespreuken as: Klaannbeek) is n darp in t oosten van de stad Apeldoorne in de Nederlandse provinsie Gelderland. t Darp hef zwat 3.500 inwoners. Klarenbeek is eneumd naor n landgoed dat lag an de Klaarbeek, die later ok Klarenbeek ging heten. An t begin van de 20e eeuw was Klarenbeek niet meer as n gebied mit n paor verspreide huzen en n katholieke karke. Noe besteet t darp veural uut n lange weg (de heufdweg) waoran verschillende buurtjes ebouwd bint. In t darp steet ok n meule.

t Darp völt onder twee gemeentes, namelik Apeldoorne en Voorst, de gemeentegrens löpt dwars deur t darp. Disse gemeentes bint noe bezig heur toekomstplannen veur Klarenbeek op mekare of te stemmen, zodat Klarenbeek niet per gemeente verschilt in bieveurbeeld bebouwing en zoksoort dingen.

Klarenbeek hef ok n eigen treinstasion.

t Darp hef ok n holtzagerieje, dit is in handen van de familie Krepel. t Steet der al vanof de 19e eeuw en was toe de reden um de halte Klarenbeek te bouwen.

Tussen t darp en de naoburige plaatsen Apeldoorne en Beekbargen hef t leste oerbos van Nederland elegen, t Beekbargerwold. In de Tweede Wereldoorlog is der in Klarenbeek n Vickers Wellington neerestort waoran n monument herinnert in de Hessen Allee. Sinds 2010 is t monument tiedelik vortehaald in verband mit niejbouw.

Weetjes

• Tiedens Karneval heet Klarenbeek Neutendarp.

Gemeente Voorst
Heufdplaatse Twelle Darpen Bussloo · Klarenbeek · Niebroek · Terwolde · Teuge · Voorst · Wilp · Wilp-Achterhoek Buurtschappen Appen · Duustervoorde · Gietel · De Karre · Klein Amsterdam · Noord-Empe · Posterenk · Spekhoek · Steenenkamer · De Vechte · De Wiek

Dit artikel is eskreaven in et oustveluwske dialekt van Klarenbeek, in de ANS.