Noven

Een noven in een keuken

Zonnenoven, in 't midden is een pan te zien.

Een noven is een apperaot waormee eten of (groend)stoffen tot een hoge temperetuur verhetst kunnen worren, mit as doel een chemisch preces op gang te brengen.

Huushouwelijke novens

De noven as huushouwelijke apperetuur is emaakt um in te bakken en staot meestentieds in de keuken. In een noven kunnen novenschottels emaakt worren en kunnen vleis, vis, greunte en eerpels zoender veul vet klaor-emaakt worren. Vaak kan der oek in de noven egrild worren. 't Verschil tussen bakken en grillen is dat bie 't bakken de locht binnen de noven ronddreit en bie 't grillen locht van butenof rechtstreeks in de noven in kan kommen.

Novens kunnen op de volgende menieren verhetst worren:

• elektrisch
• mit gas (eerdgas, vrogger stadsgas, soms op butaangas)
• mit hout
• mit houtskool
• mit de zon

De temperetuur van een deursnee (elektrische) noven veur huushouwelijk gebruuk kan in-esteld worren tot oengeveer 260 graojen Celsius.

De novenstanden

De instelling van de noven kan per medel verschillen, mar in veul novens kommen disse standen overeen mit disse tempereturen:

gasoven mit 8 standen	temperatuur
1	140°
2	160°
3	180°
4	200°
5	220°
6	240°
7	260°
8	280°

Nedersaksisch

• Achterhooks: oaven, ov(v)en
• Grönnegs: ovent (as t veurôfgoan wordt deur n lidwoord, wordt dij der aanvast plakt, dus novent of dovent)
• Sallaands: oven
• Stellingwarfs: ovend
• Urkers: noven
• Veluws:
  • oven
  • ove
  • aoven (veural Oost-Veluws)
  • aovend (Une, Vaossen, Epe)
  • aomen (Attem)
  • aomp (Wezep, Attem)
  • noven (Putten)
  • naoven (Vaossen, Wenum Wiesel)
  • novend (Nunspeet)

Uutgande verwiezingen

Commons: Noven - plaatjes, filmkes en/of gelüüdsbestanden.

Disse pagina is eschreven in 't Putters