Engels

Landen waor t Engels officiële tael is (donkerblaauw) of waor t as tweide of minderheidstael erkend is (lichtblaauw)

Et Engels of Ingels beheurt tot de West-Germaanse takke van de Germaanse taelen en is ien van de grootste taelen ter wereld. D'r bin in totaol zoe'n 510 miljoen die et praoten kunnen.

Et Engels stamt of van de Germaanse taelen die in et Verienigd Keuninkriek praot wodden, in et biezunder de tael van de Angelen, de Saksen en de Juten. Et is stark beïnvloed deur et Ooldnoors (daankzi'j de vule Vikingen die d'r daor vestigd hebben tussen 800-1000) en veural et Fraans (nao de verovering deur de Normandiërs in 1066). De grammatikaole struktuur is Germaans mar mit slim vule woorden die ontleend binnen an et Fraans en Latien. Engels wodt somstieden ok wel een broggetael tussen de Germaanse- en Romaanse taelen nuumd.