Gerard Stout

Gerard Stout (Emmen, 1950) is een Drèentse schriever. Hi'j stiet bekend as ien van de miest productieve Drèentstalige schrievers en wun in 2009 de Streektaalpries van 't Dagblad van het Noorden veur zien novelle In Paradisum.

Nao zien studie scheikunde in Grunning hef Stout een antal jaor les egèven in Zambia. Tegenswoordig is e docent an de Noordelijke Hogeschool in Liwwadden.

In 1985 begunden Stout vertellegies te schrieven, die mit name in Drèents literair tiedschrift Roet verschenen. Vanof 1987 besprek hi'j streektaalliteretuur veur 't Dagblad van het Noorden. In 2005 richtten hi'j een uutgeveri'je op, Ter Verpoozing, daoras boeken verschient in 't Drèents en Nederlaands.

In 1999 kreeg Gerard Stout de SNS Cultuurpries van Drenthe veur literatuur. In 2009 wördden hum de Streektaalpries van 't Dagblad van het Noorden uutelangd veur zien novelle In Paradisum, eerst in eigen beheer uutekomen (2008) en een jaor later bi'j Het Drentse Boek.

Roet publiceerden in 2010 een heufdstok uut Stout zien nog niet uutegeven voestdikke roman Ningtien, die deur de schriever ok in 't Nederlaands vertaald is.

Publicaties

• Eroetiek (1992, speciale uutgave van Roet)
• Zwak ies (1992)
• Liek in 't veen (1996, boeknummer van Roet)
• Matglaozen Dreum (roman, Zuudwolde, 1994)
• Wanda (roman, Zuudwolde, 1995)
• An de reize (körte verhalen, essays en een novelle, Zuudwolde, 2004)
• Kan niet… ligt op het kerkhof (2005, Ter Verpoozing)
• Leven na de dood (2005, Ter Verpoozing)
• Wisseling van de wacht (2005, Ter Verpoozing)
• Gehaktdag (2005, Ter Verpoozing, mit Martin Koster onder 't pseudoniem Jans Pol)
• Mien verzuuk (2005, essaybundel, mit DVD)
• In Paradisum (2008)

Uutgaonde verwiezings

• 't Huus van de Taol oaver Gerard Stout
• In en om Assen oaver Gerard Stout

Dit artikel is eschreven in 't Zuudwest-Drèents van de Drèents-Oaveriesselse grèensstreek.