Plaanten

Bestaand:Plants diversity.jpg

Een antal verschillende plaanten

Plaanten (Latien: Plantae) bin een riek in 't domein van de eukaryota. De wetenschappelijke discipline plaantkunde huilt zich bezig mit de studie van 't plaantenriek. Een plaante is dus een levend orgenisme in de groep van de eukaryota. Der bin wereldwied miljoenen plaantensoorten.

Plaanten bestaon meestentieds uut stengels en blaojen (soms mit bloemen), mar der bin oek plaanten dee gien stengels en blaojen hemmen, een veurbeeld hiervan is gres. Veerder wonnen plaanten vake onderverdeeld in amparte klassen. Greune plaanten haolen der meeste energie uut 't loch van de zunne via een preces dat fotosynthese heet.

Aristoteles deelde alle levende dingen in bie plaanten (dee over 't algemeen neet bewegen), en dieren (dee meestentieds bewegen um der eten te vangen/zeuken). In Linnaeus' systeem, wönnen dit rieken: Vegetabilia (laoter Metaphyta of Plantae) en Animalia (oek wel Metazoa eneumd). Vanof disse tied is 't dudelijk ewönnen dat de Plantae zoas 't oorspronkelijk beschreven wanen, eigenlijks bestung uut meerdere onverwante groepen, en de schmimmels en verschillende aandere groepen algen in nieje rieken ezet wanen, mar ze wonnen nog in veul opzichen ezien as plaanten, beie in 't technisch opzich en 't algemene beeld dat meens dervan hef.

Nedersaksisch

• Drèents: plaant(e)
• Grunnegs: plaant, gruinerij
• Stellingwarfs: plaant
• Veluws: plaant(e), plant(e)

Commons: Plaanten - plaatjes, filmkes en/of gelüüdsbestanden.