Afrika

Afrika geografisch

Satellietfoto van Afrika

Afrika is naor Azië 't grootste continent ter wereld, in oppervlakte mar oek in bevolking. 't Beslaot zo'n 30.244.050 vierkante kilometer (vasteland en eilanden samen), wat 20,3% van de totaole landoppervlakte van de eerde is. 't Wort bewoend deur meer as 800 miljoen minsen - oengeveer één zeuvende van de wereldbevolking. De naam Africa was in de Oudheid eerst veurbehouwen an 't gebied waor noen Tunesië leit. Laoter worde de hele kuststrook Africa eneumd en in de tied van de ontdekkingsreizen worde 't hele continent hiermee an-eduud.

De naam Afrika zou kommen van 't Fenicische woord afrid. Mar are minsen zegen dat de naam Afrika van de Amazighische godin ifri komt (wat grot betekent). Disse godin worde laoter deur de Romeinen over-eneumen.

Zwat heel Afrika beheurt tot de Daarde Wereld. Partie minsen rekenen 't hele continent hiertoe, are alleen de landen in 't zujen van de Sahara, behalven Zuud-Afrika.

Staoten

Afrika bestaot uut 54 onofhankelijke staoten en een paor niet-onofhankelijke gebieden.

Onofhankelijke landen

Algerije – Angola – Benin – Botswana – Burkina Faso – Burundi – Centraol-Afrikaanse Rippebliek – Comoren¹ – Congo-Brazzaville – Congo-Kinshasa – Djibouti – Egypte (gedeelte in 't westen van de Landengte van Suez) – Equatoriaol-Guinea – Eritrea – Ethiopië – Gabon – Gambia – Ghana – Guinee – Guinee-Bissau – Ivoorkust – Kaapverdië¹ – Kameroen – Kenia – Lesotho – Liberia – Libië – Madegaskar¹ – Malawi – Mali – Marokko – Mauritanië – Mauritius¹ – Mozambique – Namibië – Niger – Nigeria – Oeganda – Rwanda – Sao Tomé en Principe¹ – Senegal – Seychellen¹ – Sierra Leone – Soedan – Soemalië – Swaziland – Tanzania – Togo – Tsjaad – Tunesië – Zambia – Zimbabwe – Zuud-Afrika – Zuud-Soedan

Niet-onofhankelijke gebieden

Bassas da India¹ – Ceuta – Europa¹ – Glorieuzen¹ – Juan de Nova¹ – Kenarische Eilanden¹ - Madeira¹ – Mayotte¹ – Melilla – Réunion¹ – Tromelin¹

Gebieden mit betwiste staotus / bezette gebieden

Soemaliland – Westelijke Sahara

¹ Hoewel disse eilanden niet op de Afrikaanse continentaole plaot liggen, worren ze gewoonlijk toch beschouwd as beheurend tot Afrika.

Opmaarking:

• Egypte kan staotkundig ezien bie Afrika mar oek bie Azië erekend worren umdat 't in beie werelddelen leit.

Disse pagina is eschreven in 't Putters

Mal:Link FA Mal:Link FA ak:Afrika