Vaossen

Cannenburgh in Vaossen

't Darp Vaossen (Nederlans: Vaassen) is ien van de grotere plaatsen van de Nederlanse gemiente Epe, mit in 2008 zo'n 12.719 inwoners. Vaossen is een kattelieke enclave an de oostrand van de Veluwe in de previnsie Gelderland, nao de oorlog binnen daor ok meer protestanten bie ekomen. Vaossen was tot 1 jannewaori 1818 een zelfstandige gemiente, daornao heurde 't bie Epe.

Tussen 2 september 1887 en 8 oktober 1950 had Vaossen zien eigen stesjon, mit een spoor van Apeldoorne naor Zwolle.

Geschiedenisse

De vrogste tekenen van bewoners in dit gebied bint de grafheuvels en 'Keltische velden' (prehistorische akkers) in 't noordwesten van Vaossen op de Veluwe, tussen de Elburgerweg en Gortelseweg. 't Waren Germaanse boeren en lèèfde daor nog veur de Romeinse tied. Ze woonden in holten hutten en lèèfden van de landbouw, veehouderieje, kruden en de jacht op harten en zwienen.

't Darp wordt veur 't eerst enuumd in een akte uut de Codex Laureshamnensis van 't klooster Lorsch uut 891 of 892 as een Brunhilde een hoeve en de karke an Lorsch schenkt. De name Fasna, die 't darp toe had, kwam al in de 9e ieuw veur en zol duden op een grössoorte.

In Vaossen stiet 't kesteel De Cannenburgh, ooit bewoond deur veldheer Maarten van Rossum. 't Kesteel stamt uut de 16e ieuw. In 't darp stiet een karktoorne van umstreeks 1500 waor ok 't grafsteen van Maarten van Rossum te vienen is.

Buurten en wieken in Vaossen

Berkenoord, Berkenoord II, Kerkenland, De Oosterhof, Heggerenk, Oranjebuurt, Transvaalbuurt, Vogelbuurt, Industriewijk en Vulcanusbuurt.

Kernen bie Vaossen

De Hegge, De Jonas, Geerstraote, Hafkamp, Kortenbroek, 't Laor, Niersen, Vaossense broek en De Uulenbarg.

Uutgaonde verwiezingen

• Gemeente Epe
• Historische verieniging Ampt Epe
• Museum Vaossen Historie

Disse pagina is eschreven in 't Vaossens