Harderwieker ruut (Centaurea jacea)

Harderwieker ruut

Harderwieker ruut (Latien: Centaurea jacea) is een kruuiachtige plant in 't geslacht centaurie in de compesietefemilie (Compositae of Asteraceae). Een are naam is Centaurea thuillieri J. Duvigneaud et Lambinon. De plant hef zien dialectnaam te danken an 't feit dat de minsen vrogger dochten dat de plant uut Harderwiek over was kommen weien.

In Nederland (mit uutzoendering van Drenthe) en Vlaanderen is 't een algemeen veurkommende plant die in baarmen en tussen 't puin greuit.

Disse overblievende kruuiachtige plaante wort daartig tot zeuventig centimeter hoog. De bovenste blaojen bin ongedeeld en staon ofwisselend langes de stengel. De oenderste blaojen bin meestentieds bochtig tot veerspletig.

De bloemkopjes bin twee tot vier centimeter breed. Ze bestaon uut roze tot roodpaorse buisbloemen. De randbloemen hiervan bin vergroot en steriel. Deur 't vergroten en 't opziedstaon lieken ze op lientbloemen. De umwienselblaojen in de bovenste helft hen een of-escheien, estekeld anhangsel. De bleuiperiode loopt van juni tot sarests.

Nedersaksisch

• Veluws:
  • knopkruud
  • Harde(r)wieker ruut/roet/o(e)nkruud
  • wilde riest (Harderwiek, Putten)
  • aoltjeskruud (Niekark)
• Overig: opzeuken

Commons: Centaurea jacea - plaatjes, filmkes en/of gelüüdsbestanden.

Disse pagina is eschreven in 't Putters