Verskil tüsken versys van "Edvard Grieg"

Uut Wikipedia, de vrye encyklopedy
Verwijderde inhoud Toegevoegde inhoud
K + iw bs
JackieBot (Oaverleg | bydragen)
K r2.7.2) (bot derbie: vi:Edvard Grieg
Regel 141: Regel 141:
[[tr:Edvard Grieg]]
[[tr:Edvard Grieg]]
[[uk:Едвард Гріг]]
[[uk:Едвард Гріг]]
[[vi:Edvard Grieg]]
[[war:Edvard Grieg]]
[[war:Edvard Grieg]]
[[zh:爱德华·格里格]]
[[zh:爱德华·格里格]]

Versy up 07:29, 26 jan 2013

Edvard Grieg (1891), Skilderieje van Eilif Peterssen.

Edvard Hagerup Grieg (15 juni 1843 - 4 september 1907) was nen Noorsken muziekskriewer en pianospöller den't vuural skreef in de Romantiese tied. Hee is t bekeandst met zin Pianokonsert in A mineur, zinne Peer Gynt suite (woeroonder de bekeandste stukke zeent Moarnstemming en In n hal van de boargkeuning) en zinne körte pianostuks Lyriese stuks.

Leawn

Grieg wör geboorn in Bergen, Noorweagn op 15 juni 1843. n Offisjeeln femilienaamn was Greig, vanoet Skotlaand. Zin oawergrotvaa köm in 1746 noar Noorweagn en startn n bedriefken in Bergen. Grieg gröaidn op in ne muzikale femilie. Zin moo, Gesine B. Hagerup, was zinne eerste pianolearer, den't um oonderwees vanof zin 6de. Hee gung noar verskeaidene skooln, en nöm vake zinne muziekstuks met noar skole.

In t zommer van 1858 tröfn he n vuurkomnden Noorsen vioolspöller Ole Bull den't goo kunnigheaid met de femilie har, en den zin breur was trouwd met Griegs tante. Bull zag det n 15-joarigen Grieg machtig völle taleant har, en haaldn zinne oolde leu oawer um Grieg noar t Konservatorium van Leipzig hen te steurn.

Zo köm he in Leipzig terechte, woer't he zik richen op t pianospel. hee har weainig wille an t echte harte studeern, mer hee dee wal zin beste en haaln goo siefers, behalve vuur örgelspöln, wat n verplicht vak was. In t vuurjoar van 1860 oawerleawn he ne slimme longzeekte, en t joar doarop begun he as konsertpianist, in Karlshamn in Zweedn. In 1862 was he kloar met studeern in Leipzig, en gavn he zin eerste konsert in Bergen, met op t programma oonder mear Ludwig van Beethoven zin stuk Pathétique. Op ne opname van n konsert oet zin latere leawn van zin eegne Piano Sonata blik det hee machtig piano kon spöln.

In 1863 gung Grieg noar Kopenhaawn, Deanemoarkn, en doar bleef he vuur zowat dree joar. Doar tröfn he de muziekskriewers Johan Peter Emilius Hartman en Niels Gade, en nen aandern Noorsen muziekskriewer Rikard Nordraak, den't t Noorske volksleed har komponeerd, woer't he goo kunnigheaid met kreeg en den um völle inspirasie bezorgen. Nordraak köm in 1866 oet de tied, en ter eare van um skreef Grieg de "Groowemars vuur Rikard Noordraak". Grieg har ook goo kontakn met t Bergens Filharmonies Orkest en wör doar later ook dirigeant van, van 1880 töt 1882.

Op 11 juni 1867 trouwn Grieg met zinne nichte Nina Hagerup, ne dochter van Edvard Hagerup. t Joar doarop wör öar eerste dochter geboorn, Alexandra, den't in 1869 oet de tied köm duur meningitis. In t zommer van 1868 skreef he zin Pianokonsert in A mineur op ne vakaansie in Deanemoarkn. Edmund Neupert voordn t stukke as eerste oet op 3 april 1869 in t Casino Theater in Kopenhaawn. Hee kon dr zelf nit bie wean umdet he zelf in Oslo mos dirigeern.

In 1868 skreef Franz Liszt, den't Grieg nog nit etröfn har, ne anbeveling noar t Noorske Ministerie van Oonderwies, woerduur't Grieg n reaisvergoding kreeg. Ze tröfn mekoar in Rome in 1870. Tiedns öar eerste gesprek leupn ze Griegs Vioolkonsert Nr. 1 duur, den't Liszt onmeundig ansteund. Bie t tweede treffen har Grieg zinne partiejn van zin Pianokonsert met enömn, den't Liszt zo vortspöln. De tooheurders warn oonder de indruk van t stukke, mer Grieg verteeln um vreandelik det he t te rap har espöld. Aanderzieds gavn Liszt advies an Grieg oawer t skriewn van stukke, zo as bv. ne mellodie van n tweede thema in n stukke al in t eerste thema te loatn heurn duur bv. nen trompet.

Griegs graf

In 1876 skreef Grieg achtergroondmuziek vuur Henrik Ibsens toneelstukke Peer Gynt, op verzeuk van Ibsen. Völle van disse stukke zeent nog aait onmeundig geleefd bie muzikaantn en orkestn um te spöln, en zeent oawer tied vuur verskeaidene muzikale saamnstellings herskreewn. In 1888 tröfn Grieg Pyotr Ilyich Tchaikovsky in Leipzig. Grieg was later bedroowd van de nearslachtigheaid van Tchaikovsky. Later in zin leawn kreeg Grieg de eare dee't um tooköm, en de Noorske regearige gavn um n pensioen.

In t vuurjoar van 1903 maakn Grieg neegn 78-tpm grammofoonopnames van zinne pianomuziek in Paries. Al disse historiese plaatn zeent heroetegeewn op LPs en CDs en loatt ondaanks de meendere geluudskwaliteit heurn det hee nen onmeundigen bedreewn pianist was. Hee maakn ook zelf in espölde pianolastukke vuur t Welte-Mignon kopieersysteem, dee't vandaag n dag nog aait te belustern zeent.

In 1906 tröf he muziekskriewer en pianist Percy Grainger in Londen. Grainger was groot leefhebber van Griegs muziek en de beaide kearls konn al vlot good met mekoar. In n vroaggesprek in 1907 zea Grieg: "Ik hebbe Noorske Boernedaansn eskreewn dee't gin meanske in mien laand spöln kan, en dan keump dr zonnen Australiër den't ze zo spölt zo'k ze bedoold har! Hee is nen briljanten kearl woer't Skandinaviërs niks aans met köant as gek met wean."[1] Edvard Grieg köm met 64 joar oet de tied in t noajoar van 1907, noa lange zeek te hebn ewest. Zinne leste wöarde warn: "non, as t dan toch zo mut wean". Op zinne groowe gungn tusken de 30.000 en 40.000 leu de stroate op um um de leste eare te bewiezn. Noar zinne weunske, wör zin eegne "Groowemars vuur Rikard Nordraak" espöld, in ne oetvoerige van zin moat Johan Halvorsen, den't trouwd was met Griegs nichte. Doarnöast wör der ook t gedeelte Groowemars oet Frédéric Chopins Piano Sonata Nr. 2 espöld. De aske van Grieg en zinne vrouwe zeent biejezat in nen boarggrot bie zin hoes in Troldhaugen.

Muziek

Grieg steet bekeand as miniaturist. Hee skreef vake stukke dee't "kleain" warn, en seempel van verloop. Zin eerste stukke vaalt oonder de Duutse romantise tied. Zin latere stukke warn vuural seempele (op t eerste oge) stukke dee't chromaties en harmonies vernemstig in mekoar zitt, woerbie't he zik leut driewn duur Noorske volksmuziek, vuural Noorske volsleedjes en daansen. Dr wör um mangs an ereknd det he dee "letterlik" zol hebn oawer enömn, mer zin goo kameroad en muziekskriewer Julius Röntgen benoadrukn det t aait Griegs eegne woark en bedeanksels hebt ewest. Hee hef nit völle grote stukke skreewn.

Nen hoop van zinne muziek, vuural de korte stukke vuur piano, zeent duur öare toogaankelikheaid geleefd ewördn bie onmeundig völle leu. Zinne Ballade opus 24 -feaiteliks ne bewoarking van n Noorsk volksvärsken- is ene van Griegs meest eprezene woarkn vuur piano, oonder mear duur Johannes Brahms. Zowat elken goodn pianist keant t, of hef t wal es espöld.

Stukke

Nen greep oet zinne bekeandste stukke:


Reffereansies

  1. John Bird, Percy Grainger , Oxford University Press, 1999, P. 133-134.

Oetgoande verbeendiges

Opnames van Edvard Grieg