Messiasbeliedende Jeuden

Messiasbeliedende Jeuden beheurt töt 'n godsdienstige gruupering die Jezus beschouwt as de deur God in de 't Olde Testement beleufde Messias. Messiasbeliedende Jeuden combineert in hun geleufsleven aspecten uut zowel 't kristendom as 't jeudendom.

Aandere benamingen veur Messiasbeliedende Jeuden bint Messiaanse Jeuden, Messiaans jeudendom, Messiaanse Bewieging en Messiasbelieders. De leste twee anduudings wörd ok hanteerd voor Messiasbeliedende niet-Jeuden.

Körte umschriewing

Deur hun geleuf in Jezus as de messias (deur hen an-eduud as Yeshua of Jesjoea, zien Hebreeuwse naam) zollen Messiasbeliedende Jeuden in strikte zin as kristenen kunnen wörden an-emarkt, maa disse tarme wördt deur henzölf liever vermeden. Formeel espreuken beheure zi'j echter töt 't kristendom. Zölf vinne zi'j dat ze (ok) töt 't jeudendom beheurt, maa umdat Jezus deur 't jeudendom nie as messias wördt eziene, beschouwt 't jeudendom hen as 'n kristlike sekte. 'n Aander probleem is ok, dat de Messiasbeliedende gruuperingen 't jeudendom nao Jezus ofwiest. In 't jeudendom geleuft men nie dat Jezus an de Messiaanse profetieën hef voldaone, noch voldut an de vereisten die an de messias esteld wörd en dat daorumme de messias, wiens identiteit nog onbekend is, nog mut kommen.

In 't kristendom bint d'r meer gruupen die elementen uut 't jeudendom en 't kristendom samenvoegt. Men kan hierbi'j deenken an de Zeuvendedagsadventisten (disse hold de sabbat), maa veural ok an wat wel de Messiasbelieders of de Messiaanse Bewieging wördt enuumd. Eewm as de oovrige zichzölf nuumende Messiasbeliedende gemienten, giet 't hierbi'j ienvoldigweg um niet-Jeudse kristenen die op Judaistische wieze hun geleuf vörm geeft. Men gebruukt de tarms Messiasbelieders en Messiaanse Bewieging daorumme gwoon as verzaomelbegrip. De diverse "Messiaanse" gruuperingen hebt verschillende, teengstriedige visies, en van ien laandlik Nederlaanse samenwarkverbaand is dan ok gien sprake.

Dit artikel is eskreaven in et sallandsk.