Verskil tüsken versys van "Bagraain"

Uut Wikipedia, de vrye encyklopedy
Verwijderde inhoud Toegevoegde inhoud
Xqbot (Oaverleg | bydragen)
K r2.7.3) (bot derbie: gn:Varéĩ
EmausBot (Oaverleg | bydragen)
K r2.7.2+) (Bot: wieziging van tl:Bahrain naor tl:Barein
Regel 190: Regel 190:
[[th:ประเทศบาห์เรน]]
[[th:ประเทศบาห์เรน]]
[[tk:Bahreýn]]
[[tk:Bahreýn]]
[[tl:Bahrain]]
[[tl:Barein]]
[[tr:Bahreyn]]
[[tr:Bahreyn]]
[[tt:Бәхрәйн]]
[[tt:Бәхрәйн]]

Versy up 21:58, 17 jan 2013

Mal:Laandtabel-gos

Bagraain (Arabies: ‏البحرين (Baḥrayn), Engels: Bahrain), offisjeel t Keunenkriek Bagraain is n laand ien t Middenoosten. t Is n lutje aailaand, sikkom zo groot as t Oldambt en Westerwolde soamen en ligt veur de kust van Saudi-Arabië en Qatar ien de Perziese golf. t Wör veur de eerste moal onaofhaankelk ien 1783 dou de Perziese heersers verdreven wörren. n Poar joar loater kwam de Al-Khalifa femilie vanoet Qatar dij dou heersers wörren. Ien 1861 wör Bagraain n Britse kolonie en ien 1971 wör zai weer onaofhaankelk. De heufdstad is Manama en t laand het sikkom 1.234.596 ienwoners.

Bagraain het aaltieds n belaangriek stee waest en het zien onaofhaankelkhaid as lutje stoat te danken aan de aiwenolde haandel. Vrouger bestond de haandel veuraal oet dadels, visk en perels. Noudoags is t veuraal de eulie dij Bagraain riek maokt. Liek aander golfstoaten as Dubai, Qatar en Abu Dabi het Bagraain hom ien de laeste tienderjoaren gaauw ontwikkeld. De maiste ienwoners wonen ien t noorden van t heufdaailaand, veuraal ien de heufdstad. Noast t heufdaailaand heuren der nog 32 lutje aailanden tou Bagraain. t Heufdaailaand is via t aailaand Um an Nassan mit n brog verbonden aan t Saudiese vastelaand bie de stad Khobar.

Islam is aigelks de ainigste religie ien Bagrain. Sikkom 70 perseant van de bevolken is Sji'iet en 30 perseant, woaronder de keunenklike femilie, is Soeniet. De reden dat de meerderhaid van de Bagraaini Sji'ietien binnen, ien tieds dat de omliggende laanden sikkom hailemoal Soenieties binnen, komt deur de grote ienvloud dij Iran had het. De keunenklike femilie is Soenities omreden zai van oorsprong oet zeantroal Saudi-Arabië kommen. De noudoagse keunen van Bagraain is Hamad bin Isa Al Khalifa. Hai het ien 2002 t Emiroat omdoopt ien keunenkriek en is doarmit van emir n keunen worden.

Bagraain is internatsjonoal veuraal bekend deur de Formule 1 Grandprix van Bagraain dij ien 2004 veur de eerste moal holden wör. Ook het Bagraain ien 2011 veul media-aandocht kregen deur de protesten dij doar holden wörren.

De heufdstad Manama ien 2006
Dit artikel is skreaven in et grönningsk, in de ANS.