Verskil tüsken versys van "Diogenes van Sinope"

Uut Wikipedia, de vrye encyklopedy
Verwijderde inhoud Toegevoegde inhoud
Makecat-bot (Oaverleg | bydragen)
K r2.7.3) (bot derbie: war:Diogenes han Sinope
VolkovBot (Oaverleg | bydragen)
K r2.7.2) (Bot: wieziging van ro:Diogene din Sinope naor ro:Diogene din Sinop
Regel 61: Regel 61:
[[ps:دیو جانس کلبی]]
[[ps:دیو جانس کلبی]]
[[pt:Diógenes de Sínope]]
[[pt:Diógenes de Sínope]]
[[ro:Diogene din Sinope]]
[[ro:Diogene din Sinop]]
[[ru:Диоген]]
[[ru:Диоген]]
[[scn:Dioggini di Sinopi]]
[[scn:Dioggini di Sinopi]]

Versy up 00:45, 11 dec 2012

Diogenes van Sinope (Oldgrieks: Διογένης, Diogénês), körtweg Diogenes (Sinope, 404 v. Chr. - Korinthe, 323 v. Chr.) was 'n filosoof uut de schoele der cynici.

Hi'j werd as zeune van 'n baankier geboren in Sinope, een Griekse kolonie an de zuudkust van de Zwarte Zee. Anvaankelijk göng e in de voetsporen van zien va het baankwezen in, mar noa betrökkenheid bi'j 'n schandaal over valsemunteri'je mös e de stad verloaten. D'r bint in Sinope inderdoad munten evönden woarvan de beeldenaar was of-eschuurd en die veurzien waren van de naam van Diogenes' va, Hicesias. Diogenes göng noar Athene, et centrum van de Griekse wereld, en ontmuutte d'r Antisthenes, bi'j wie hi'j zich onmiddellijk en onveurwoardelijk ansleut.

Volgens een populaire legende sleup e buten in 'n regentonne, mar tonnen zolden pas later uut-evönden wezen. 't Zol echter wel 'n grote kruuk, een Griekse amfora, ewest kunnen wezen. An-ezien hi'j leefden as 'n hond, kreeg e uutendelijk ok de bi'jname 'hond'. Zien ienige bezittingen waren 'n mantel, een komme um uut te etten en 'n nap um uut te zoepen. Op kloarlichte dag zol e op 'n marktpleine met 'n lanteern noar 'n "meense" ezöch hebben (woarmet e een woarachtig oprecht persoon beduulden). Noadat e iemand een stuk stoete zaag gebruken as börd en zien haanden as nap, ontdeud e zich ok van zien komme en zien nap.

Bekend van Diogenes is ok dat e vaker in de openbaarheid stönd te masturberen. Toen aanderen hum hierop anspraken zol e zegd hebben: "Och, was 't ok mar meugelijk oe honger te stillen deur over oen maage te wrieven". Zölfbevrediging in 't openbaar was volgens hum 't toppunt van autarkie en wiesheid.

Volgens een deur Plutarchus op-etekend verhaal was Alexander de Grote zeer interesseerd in Diogenes. Hi'j maakten volgens dat verhaal 'n lange reis um hum te ontmuten. Toen Alexander hum op 'n zunnige dag antröf, vroeg e an hum wat e wolden hebben. Hi'j konnen alles kriegen. Diogenes zee toen half ontwiekend, woarschienlijk beducht veur 'n twistgesprek met de licht ontvlambare veroveraar: "A-k alles kan kriegen, wol ie dan 'n stap opzied doen, want ie stoat veur de zunne". Hierop zee Alexander: "A-k Alexander nie ware, zol ik Diogenes willen wezen". Diogenes zee doarop: "A-k Diogenes nie ware, zol ik ok Diogenes willen wezen".

Over Diogenes bint völle verhalen en anekdotes over-eleverd, met name in teksten die via de islamitische geleerden 't westen beriekten. Volgens iene d'rvan störf Diogenes deur zien oadem in te holden. Veul van de anekdotes werden ok over-eleverd deur Diogenes Laërtius in zien boek Leven en leer van beruumde filosofen.

Dit artikel is eskreaven in et sallandsk.