Merengue

Merengue is nen vlotn, bliejn muziek- en daansstiel oet de Dominikaanse Republiek. Doar is t onmeundig populair, mear ook in de rest van Latiens-Amerika en Spanje.

t Woord Merengue is feailik Spaans vuur "geklopt eiwit met suker", en doarumme te vergeliekn met t Engelse meringue. t Is neet helemoal dudelik woerumme of ze vuur dissen naamn hebt ekeuzn, mear wellich hef t te maakn met de daansstiel, den wat weg hef van nen eierklutser.
Merengue wör "oet eveundn" duur Ñico Lora, nen Dominikaan met Spaanse vuurooldn, um en noabie 1920. Mear t wör pas echt populair toew at diktator Rafael Trujillo t oetreup töt nasjonale daans- en meziekstiel.

In de VS wör t populair duur Angel Viloria en zinne meziekgroep Conjunto Típico Cibaeño. Ene van de bekeandste hudige merengue-zängers wearldwied is Elvis Crespo, den't in 2003 met zinne grote hit Suavemente köm.

Muziek

Kenmoark van Merengue is n 2/4 moatsoort, en onmeundig hoog tempo. Van vrooger oet wör Merengue espölt met nen tambora, guïra en trekzak. Rechtevoort komt door meestieds ook konga's, bongo's, keyboard, timbales, basgitaar en verskeaidene bloasinstrumeantn.

Bekeande merenguemuzikaantn beent oonder mear Juan Luis Guerra, Elvis Crespo, Johnny Ventura, Kinito Mendez, Miriam Cruz, Fernandito Villalona en Las Chicas Del Can.

Oetgoande verbeendige

• Geschiedenis van merengue met muziek en video (Engels)