Vechte

De Vechte

De Vechte is een regenwäterrevier in Duutslaand en Nederlaand (Oaveriessel). De revier is 167 kilometer laank, waorvan 60 km in Nederlaand. Heur oorsprong lig in 't Munsterlaand en ze mondt bi'j Zwolle uut in 't Zwärte Wäter mit een debiet van 45 töt 83 kubieke meter per seconde. 't Streumgebied van de Vechte beslöt 3780 vierkaante kilometer. De eerste schriftelijke vermelding van de Vechte stamt uut um-en-bi'j 1232 en stiet in de Quedam narracio, tenzij de Vidrus daoras Tacitus en Ptolemaeus 't oaver hebt dezölfde revier is as de Vechte.

In 't Nederlaans nuumt ze de Vechte de 'Vecht', en vake de 'Overijsselse Vecht' umde-j ja ok de Utrechtse Vecht hebt. In Duutslaand het de revier de 'Vechte'. 't Oaveriesselse laandschop um de Vechte nuumt ze 't (Oaveriessels) Vechtdal.

Nedersaksisch

't Nedersaksies dat espreuken wördt langes 't Nederlaanse diel van de Vechte heurt bi'j 't Sallaans, allewel 't diel rond Ommen en Haddenbarreg ok wel Vechtdals wördt enuumd. Taalinvloeden wörden vrogger deur haandel oaver de reviere verbreid: op kaarten in de dialectatlassen kö-j zeen dat woorden langes 't Duutse diel van de Vechte vake meer verwant waren an 't Sallaans as mit de woorden uut aandere soorten plat in de graofschop Bentheim.

Dit artikel is noch mär en beginnechyn. Help med döär et üüt to breiden.

Commons: Vechte - plaatjes, filmkes en/of gelüüdsbestanden.