Wikipedia

't Beelmärk van Wikipedie

Wikipedie (Engels: Wikipedia) is een prejek van de Wikimedia-stichting, die as doel ef um in elke tääl een volledige en rechenvri'je encyclopedie op 't internet te mäken. Naost typische encyclopedie-artikels bevat Wikipedie ok infermasie die väke in verband ebrach wordt mit almenakken, specialistische tiedskriften en zäken die in 't ni'js bint .

Onder de pärreplu van de Wikimedia-stichting bint verskillende prejekken, waorvan Wikipedie 't oldste, bekendste en succesvolste prejek is. De orgenisasie Wikipedia is evestigd in Florida, Amerika en ef gien winstoogmärk. Wikipedie is estich deur Larry Sanger en Jimmy Wales.

Umdät de artikels deur elke bezuker bewärkt kunnen wonnen, geef Wikipedie gien gerantie dät de artikels ok daodwärkelijk goed eskreven bin. Vandelisme is väke een prebleem, veural bi'j de wat grotere Wikipedieën.

't Wikipedie-prejek is begunnen op 15 jannewaori 2001, mär bestun toe alleend nog mär in 't Engels. De eerste anderstälige versie was in 't Fraans, en begun op 23 meert 2001. De Nedersaksische versie van Wikipedie is begunnen op 23 meert 2006 en ef noe 7.898 artikels. Disse is te vienen op http://nds-nl.wikipedia.org/. De Engelse versie is 't grootst en ef roem 3.500.000 artikels. In totaal waren der in jannewaori 2011 meer as 17 miljoen artikels te vienen op iel Wikipedie in 264 verskillende tälen en dialekken.

Disse pagina is eskreven in 't Attems

Mal:Link FA ak:Wikipedia