Zuud-Afrika

Republiek van Suid-Afrika Republic of South Africa
[[Bestaand:|120x100px|middle|center|Vlagge van Zuud-Afrika]]	[[Bestaand:Wapen van ZuidAfrika|120x100px|middle|center|Wåpen van Zuud-Afrika]]
Ligging van Zuud-Afrika
Basisgegeavens
Officiele språke	Afrikaans, Engels, Zoeloe, Xhosa, Swazi, Ndebele, Zuud-Sotho, Noord-Sotho, Tswana, Venda, Tsonga
Höyvdstad	Pretoria (bestuurlijke mach) Kaapstad (wetgevende mach) Bloemfontein (rechterlijke mach)
Regeringsform	Rippebliek
Godsdeenst	75,5% christendom 21,1% gien/onzeker 3,4% overig 2001, bron: statssa.gov.za
Geografy en bevolking
Uppervlakde	1.219.912 km²
Inwoanertal - Dichtheid	44,3 miljoen 35 inw./km²
Koordinaten	29° 0′ S, 24° 0′ O
Oaverige
Volksleed	Nkosi Sikelel iAfrica & Die Stem van Suid-Afrika
Münteynheid	Raand (ZAR)
Tydzone	+2
Nationale feystdag	27 april (Vrieheidsdag)
Web | Kode | Tel.	.za | ZAF | 27

Zuud-Afrika (Afrikaans: Suid-Afrika, Engels: South Africa, Noord-Sotho: Afrika borwa), is een laand dat, zoas de naam al zeeg, in 't zujen van Afrika lig. 't Parlement, waor bieveurbeeld de wetten emaak wonnen bevien zich in Kaapstad (wetgevende mach), de regering in Pretoria (bestuurlijke mach) en 't hooggerechshof in Bloemfontein (rechterlijke mach).

Zuud-Afrika is 't enigste laand ten zujen van de Sahara dat een vrie grote blanke gemeenschap hef. Zo'n 10% van de bevolking is blank, 9% is kleurling, 79% is zwart en 3% is van Indische ofkoms (volkstelling 2001). Allewel 79% van 't laand zwart is, woenen de zwarte luui en de kleurlingen veural in de krottewieken, veural op 't plattelaand en in kleine darpen is dit nog steeds zo. In stejen woenen ze meestentieds in betere huzen.

Een grote meerderheid van 't laand is protestans-christelijk mit een kleinere rooms-kattelieke anhang. In totaal is zo'n 75% van de bevolking christelijk. Der is veerder oek nog een percentage van de bevolking dee nog de heultied een netuurreligie anhang, dit bin haos allinnig mar Bantoes (dit bin de zwarte luui).

Zuud-Afrika hef een rieke mar oek zwarte geschiedenis, vanwegen de apartheid (een beleid waor verschillende rassen verscheien van mekaar leven mossen).

In Zuud-Afrika en Namibië wonnen van oorsprong een Nederlaans-ebaseren taal epraot; 't Afrikaans, dit kump deurdat der in 't vere vlejen Nederlaanders ewoend hem en daor d'r leven op-ebouwd hem mit oek weer d'r naokoemelingen. Zuud-Afrika hef in totaal 11 officiële talen 't Afrikaans, Engels (de twee belangriekste talen), Xhosa, Zoeloe, Swazi, Ndebele, Zuud-Sotho, Noord-Sotho, Tswana en Venda.

Rippebliek Zuud-Afrika in de elf officiële talen

• Republiek van Suid-Afrika (Afrikaans)
• Riphabliki yeSewula Afrika (Ndebele)
• IRiphabliki yaseMzantsi Afrika (Xhosa)
• IRiphabliki yaseNingizimu Afrika (Zoeloe)
• Rephaboliki ya Afrika-Borwa (Noord-Sotho)
• Rephaboliki ya Afrika Borwa (Sesotho)
• Rephaboliki ya Aforika Borwa (Setswana)
• IRiphabhulikhi yeNingizimu Afrika (Swazi)
• Riphabuliki ya Afurika Tshipembe (Tswana)
• Riphabliki ra Afrika Dzonga (Xitsonga)
• Republic of South Africa (Engels)

Previnsies

Zuud-Afrika bestung tot 1994 mar uut vier previnsies: Transvaal, Vriestaot, Natal en de Kaapprevinsie. Sinds de totstandkoeming van 't democratische Zuud-Afrika in 1994, is 't laand verdeeld in 9 previnsies (de heufstad van de previnsie steet tussen haakjes):

• Gauteng (Johannesburg)
• KwaZulu-Natal (Pietermaritzburg)
• Limpopo (Polokwane)
• Mpumalanga (Nelspruit)
• Noord-Kaap (Kimberley)
• Noordwest (Mafikeng)
• Oost-Kaap (Bisho)
• Vriestaot (Bloemfontein)
• West-Kaap (Kaapstad)

Commons: Zuud-Afrika - plaatjes, filmkes en/of gelüüdsbestanden.