Verskil tüsken versys van "Venies"

Uut Wikipedia, de vrye encyklopedy
Verwijderde inhoud Toegevoegde inhoud
EmausBot (Oaverleg | bydragen)
K r2.7.3) (bot derbie: xmf:ვენეცია
TjBot (Oaverleg | bydragen)
K r2.7.2) (bot derbie: co:Venezia
Regel 44: Regel 44:
[[ca:Venècia]]
[[ca:Venècia]]
[[ceb:Venecia]]
[[ceb:Venecia]]
[[co:Venezia]]
[[cs:Benátky]]
[[cs:Benátky]]
[[cv:Венеци]]
[[cv:Венеци]]

Versy up 22:04, 10 jul 2012

Fotos van stad Venies

Venies (Veniesjoans: Venexia, Italjoans: Venezia, Duuts: Venedig) is n stad ien t noordoosten van Itoalje en ain van de belaangriekste toeristische steden van t laand. De stad is baauwd op n hail ìnde lutje aailaandkes dij verbonden binnen mit lutje badkes. Venies het veul knoaltjes dij de ainegste tougangswèg binnen veur summege hoezen.

Middelaiwen

Ien de middelaiwen was Venies ain van de belaangriekste en machtegste steden ien Uropa. t Het nooit bie t Hailege Reumse Riek heurd en het aaltied n vraaie republiek wèst. Dou t Reumse riek ienstörtte wör Venies ain van de steden dij de haandelsreloatsie mit Azie behil. Venies haar den ook n hoog ontwikkelde vloot dij oetìndelk Marco Polo noar Sina toubrocht. Dou t Byzantainse riek vil, veroverde Venies verschaaidene aailanden en kustgebieden dij noudoags bie Graikenlaand en Zyprus heuren.

Riekdom

De haandel brocht Venies n hail ìnde riekdom dij weerom te vinden is ien de aarzitektuur. De Renaissance het heur ientrid ien Venies al oareg vroug mòkt en doardeur is sikkom de haile stad ien dizze stail baauwd. t Gemiddelde hoes ien Venies is slim groot en wordt ook wel n palazzo (palais) nuimd. De ienvloud van Venies is tou ien wiede omtrek zichtboar. Van Verona bit tou Istrie en Dalmoatsie ien t noudoagse Kroatsie hebben kulturele, toalkundege en aarzitektonische ienvlouden had.

Bie Itoalje

Dou Portugaal staarker wör en Spanje de Moorse keunenkrieken oet Iberie verdrongen haar, wör de Veniesjoanse zeemacht noar de achtergrond daauwd. Dit laidde de ondergong ien van Venies, dij 200 joar loater zunder muite deur Napoleon veroverd wör. Noa Napoleon kwam Venies bie de Habsbörgse landen en wör n keunenkriek soamen mit Lombardaai. Ien 1866 wör Venies en zien laand onderdail van t nije Itoalje, woarbinnen t Veniesjoanse nog aingoal zain wordt as n vrumd dail van t laand, veuraal deur zien biezundere dialekten Veniesjoans en Froulioans, dat voak as apaarte toalen zain worden.

Tegenswoordeg

Tegenswoordeg leeft Venies veuraal van zien toerisme. De knoaltjes, de gondels, t karnevaal ezw. geven de stad n typisch aigen karakter. Venies is doarom gelaifd bie lu van over haile weerld. Veul aander steden, zo as Las Vegas, Makau en Doha, hebben n lutje Venies noabaauwd. Ook films as Princess Sissi (1955), Indiana Jones and the Last Crusade (1989) en Casanova (2005) hebben aan de populariteit mitwaarkt. Tegenswoordeg is Venies nait allend meer de stad op de aailaandkes. n Gedailte is ook op t vaste laand baauwd, dat mit n brog mit de aailanden verbonden is.

Galerie

Dit artikel is noch maar en beginnetje. Help mid döär et uut to breiden.