Stork

Nen wittn stoark (Ciconia ciconia)

Stöarke (Latien: Ciconiidae) bint ne familie van vöggel dee nich allenig in de troopn en subtroopn vuurkomt, mer ok in de gebeedn met nen moatig klimoat.

De familie besteet oet zes geslachtn en neegnteen soortn. Doarvan komt in Uropa twee soortn vuur, nen wittn stoark (Ciconia ciconia) en nen zwartn stoark (Ciconia nigra).

Alle vöggel oet disse groep hebt lange peute en nen vrij langn haals. Eer snoavel is laank, rechte en steavig. Zee et vuural insektn, kikvörske, kleane reptieln en aandere waterbewonners. De stöarke bouwt meesttieds eer stoarknnust op grote heugte.

Kleane keender wördt mangs vertöld dat stöarke verantweurdelik bint vuur nieje keender. Volgens disse verhaaln zoln stöarke nen kleann, geleagn in n dook an n bek van n stoark, biej leu langsbrengn.

Stöarke wördt ok wal kikkervretters neumd. In Heldern neumt ze ze ok wal klepper-Dearks, umdat ze tiedns de hofmakerieje met n snavel kleppert, wat n geluud gef dat is te vergeliekn met t geluud van n hamer van de Helderse Klepperdeark, nen oaldn doarpsumroper. T Is n oald volksgeleuf dat stöarke vuurspood brengt (keender), en as dr n keend wör geboorn, gung Klepperdeark duur t doarp um t iederene an te zegn.

Neersassies

• Drèents:
  • aaiber, aiber(t), eiber(t)
  • (h)eileuver (ZWN, ZWZ)
  • luibert
  • ooievaar, ooievaer, ooievaor
  • stork, störk
• Grunnegs: aaiber(d)
  • Westerwoolds: störk(en)
• Sallaans:
  • ooievaar
  • stork
  • (h)eileuver
• Stellingwarfs: langbien, sturk(e)
• Tweants:
  • stoark, stöark
  • kikkervretter, klepper-Deark
  • ooievoar, ooievaar
• Veluws:
  • ooievaor (veural West-Veluws)
  • ooievaar (veural Oost-Veluws)
  • eileuver (Wezep, Attem, Oldebroek)
  • eilever, eilèver (Heerde, Waopenvelde)
  • heileuver (Nunspeet)
  • euver (Waopenvelde)
  • uver (Niekark)
  • eiber (Apeldoorne, Nunspeet)

Ofbeeldingn

• 
• 
• 
• 
• 
• 
• 
• 

Commons: Stork - plaatjes, filmkes en/of gelüüdsbestanden.