Facebook

Beeldmoark van Facebook

Facebook (vriej ummezat: gezichenbook) is ne webstea dee bedoold is as sosjaal netwoark. t Is de grötste sosjale webstea van t internet, en te vergeliekn met Hyves. Juli 2010 har t mear as 500 miljoen gebroekers wearldwied. t Is vuural geleefd oonder studeantn en bedriefsleu.

Leu köant dr zik op anmeelden, ne eegne persoonlike ziede maakn en dan leu neugn um vriend te wordn, zodet t persoonlike netwoark gröait. Duur bepoalde ziedes met interesses an oewe ziede te koppeln, köant aandere leu met dezelfde interesses oe veendn, zodet leu met dezelfde vuurkuurn en interesses an mekoar ekoppeld wordt.

Vearder kö'j dr persoonlike berichen met noar aandern steurn, verteln wa'j doot, wa'j in de gedachen hebt, of wa'j in t zinne hebt, en hele fotoalbums maakn. Vrienden kriegnt dit dan in n oawerzicht te zeen van wat iederene dut en dech. Hier köant zee dan wier op reageern.

Oetgoande verbeendige

• Offisjele webstea