Annales regni Francorum

De Annales regni Francorum bunt annalen van de Frankiese könningen oaver de tied van 741 tot 829. Zi-j beheurt, met de Annales Laureshamenses, de Annales Bertiniani en de Annales Fuldenses tot de belangriekste bronnen veur de poletieke en kriegsgeskiednis van de Karolingiese tied.

De Annales bunt samen-esteld deur minstens 3 skrievers, woarunder meugelek Einhard. Den eersten skriever beskref (weerummekiekend) de tied tot an et anleggen van de Annales (rundumme 788-793); noadeen wödden zi-j meer van et joar beskrievend. Der waren skrievers wisselingen in 795, 808 en meugelek ok in 820.

Veurtzettingen van de Annales bunt de Annales Fuldenses veur et Oostfrankiese riek tot 902 en de Annales Bertiniani veur et Westfrankiese riek tot 882.

De Annales bunt gene geskiedskrievingen zoas teggenswoordeg gebrukelek; de gebeurtenissen wodden beskraeven vanuut et staandpunt van de Frankiese könningen, met as bi-jkommend nut et rechtvoardigen van bepoalde politieke en kriegsdoaden.

Umdat der nen armoo an skrifteleke bronnen uut dee tied besteet, bunt de Annales toch van groot histories belang.

Uutgoande verwiezing

• Annales regni Francorum