Dooldersum

Doldersum is een klein esdörp in Zuudwest-Drenthe. 't Dörp maakten vrogger diel uut van de gemiente Vledder, tötdet dizze mit de gemientes Dever, Dwingeloo en Haovelte opgunk in de ni'je gemiente Westerveld. Doldersum is vier kilometer ten noordoosten van Vledder elegen en hef zo'n seubentig ienwoners. De taol die as ze in Doldersum spreekt, heurt bi'j 't Stellingwarfs.

Ze weet niet sekuur hoe old of Doldersum is, mar 't is een middeleeuws plaotsien. De naom Doldersum betekent de oldste woonplaots. Niet wied van 't dörp of ligt twei grafbulten uut de laote stientied of iezertied, die ze plaotselek de 'mejoor' en de 'generaol' nuumt. Rond de brink staot zo'n tien boerderieën, een kefee-restaurant mit een camping en een 'Boekenhotel', ewi'jd an boeken. Veur alle aoverige veurzienings wördt Doldersum bediend deur Vledder.

Doldersum greenst an 't Nationaol Park Drents-Friese Woold. 't Beekien de Vledder Aa en 't Doldersummer Veld - een heidelaandschop in beheer bi'j Stichting Drents Landschap - maakt allebei diel uut van dit park. De bobenloop van de Vledder Aa is in 2002 en 2003 opni'j inericht. De beek, die in 't begin van de jaoren zestig ekanaliseerd wördden, hef zien olde lope terogge kregen. De rieke bobengrond wördden ofeplagd. Now mut de netuur heur in 't laand tussen Doldersum en 't plaotsien Wateren opni'j ontwikkelen.

Schrieveri'je

In dizze lieste vin ie boeken die aover Doldersum gaot.

• IJmker, Janne (2006), Achtendertig nachten (roman), Zoetermeer: Mozaïek

Buten dizze webstee

• Webstee van de gemiente Westerveld