Verskil tüsken versys van "Venies"

Uut Wikipedia, de vrye encyklopedy
Verwijderde inhoud Toegevoegde inhoud
Grönneger 1 (Oaverleg | bydragen)
Geen bewerkingssamenvatting
Grönneger 1 (Oaverleg | bydragen)
ho
Regel 6: Regel 6:
==Galerie==
==Galerie==
<gallery>
<gallery>
File:Venezia dot.png|thumb|Stee van Venies ien Itoalje
File:Venezia dot.png|Stee van Venies ien Itoalje
File:Venice as seen from the air with bridge to mainland.jpg|thumb|Lochtfoto van Venies
File:Venice as seen from the air with bridge to mainland.jpg|Lochtfoto van Venies
File:Venezia Italy.jpg|thumb|Graft ien Venies
File:Venezia Italy.jpg|Graft ien Venies
File:Venezia-DSCF9752.JPG|thumb|Karnevaalgebelskoppen
File:Venezia-DSCF9752.JPG|Karnevaalgebelskoppen
File:Venezia-punta della dogana.jpg
File:Venezia-punta della dogana.jpg
</gallery>
</gallery>

Versy up 12:15, 13 jul 2011

Fotos van stad Venies

Venies (Veniesjoans: Venexia, Italjoans: Venezia, Duuts: Venedig) is n stad ien t noordoosten van Itoalje en ain van de belaangriekste toeristische steden van t laand. De stad is baauwd op n hail ìnde lutje aailaandkes dij verbonden binnen mit lutje badkes. Venies het veul knoaltjes dij de ainegste tougangswèg is veur summege hoezen. Ien de middelaiwen was Venies ain van de belaangriekste en machtegste steden ien Uropa. t Het nooit bie t Hailege Reumse Riek heurd en het aaltied n vraaie republiek wèst. Dou t Reumse riek ienstörtte wör Venies ain van de steden dij de haandelsreloatsie mit Azie behil. Venies haar den ook n hoog ontwikkelde vloot dij oetìndelk Marco Polo noar Sina toubrocht. Dou t Byzantainse riek vil, veroverde Venies verschaaidene aailanden en kustgebieden dij noudoags bie Graikenlaand en Zyprus heuren. De haandel brocht Venies n hail ìnde riekdom dij weerom te vinden is ien de aarzitektuur. De Renaissance het heur ientrid ien Venies al oareg vroug mòkt en doardeur is sikkom de haile stad ien dizze stail baauwd. t Gemiddelde hoes ien Venies is slim groot en wordt ook wel n palazzo (palais) nuimd. De ienvloud van Venies is tou ien wiede omtrek zichtboar. Van Verona bit tou Istrie en Dalmoatsie ien t noudoagse Kroatsie hebben kulturele, toalkundege en aarzitektonische ienvlouden had. Dou Portugaal staarker wör en Spanje de Moorse keunenkrieken oet Iberie verdrongen haar, wör de Veniesjoanse zeemacht noar de achtergrond daauwd. Dit laidde de ondergong ien van Venies dij zunder muite deur Napoleon veroverd wör 200 joar loater. Noa Napoleon kwam Venies bie de Habsbörgse landen en wör n keunenkriek soamen mit Lombardaai. Ien 1866 wör Venies en zien laand onderdail van t nije Itoalje, woarbinnen t Veniesjoanse nog aingoal zain wordt as n vrumd dail van t laand, veuraal deur zien biezundere dialekten Veniesjoans en Froelioans, dat voak as apaarte toalen zain worden.

Tegenswoordeg leeft Venies veuraal van zien toerisme. De knoaltjes, de gondels, t karnevaal ezw. geft de stad n typisch aigen karakter en is doarom gelaifd bie lu van over haile weerld. Veul aander steden, zo as Las Vegas en Doha, hebben n lutje Venies noabaauwd. Ook films as Indiana Jones and the Last Crusade (1989) en Casanova (2005) hebben aan de populariteit mitwaarkt. Tegenswoordeg is Venies nait allend meer de stad op de aailaandkes, mòr ook n gedailte is op t vaste laand baauwd, dat mit n brog mit de aailanden verbonden is.

Galerie

Dit artikel is noch mär en beginnetjen. Help mead döär et üüt to breiden.