Geofiksie

n Veurbeald van hoo iemaand van de Amerrikoanse stoat Rhode Island nen verzunn nasie zol könn maakn

Geoverzinseln of geo-oognbekeukelderieje is t verzinn van geografiese eanheedn zooas steadn, laandn en planeatn. Ok skriewers van soagen, sciencefiction en fantasieje doot völle met geoverzinseln. Op eankle skooln wör geoverzinseln ebruukt as wirskaftsprojekt.

n Oantal meansken doot det umdet ze t nich op eane linie hebt met disse saamnleawige en maakt doarumme ne utoapiese wearld, of op zin meenst ne veurkeurswearld. Oandre zeent doarböawenop etwa bliejer met öare wearld en oawerzett disse faskinasie noar kaartn, sproakn, muziek of nieje (spoor)weejn in öare eaigne laandn. In geoverzinseln kan aales ebruukt wordn wat nen geoverzinner good enoog veendt umme ebruukt te worn in de verzunn wearld. Zee könt dienstreaglings oontwarpn, sproakn maakn, kaarten teakenen, groondwjètn skriewn en oontwikkelige oet t eaigne verzunn laand beskriewn.

Maniern van dr teagnankiekn

n Deil van de geoverzinners doot t allene veur de leukigheaid, woarbiej zee t spel-elemeant benoadrukt. Hierbiej wör ök krenks vaak deurverweazn noar t saamn warkn an disse laandn, det de letste joarn wat meer in t gebruuk is ekömn deur t internet det in better ebruuk ekömn is. Disse projektn zeent vaak humoristies en parodiejeernd, mear soms könt disse meansken ok nog met nieje pollitieke inzichtn komn.