Sevenem

Gemaente Sevenem
(Vlagge van Sevenem)	(Waopen van Sevenem)
Lokatie van de gemeante Sevenem
Informasie
Proveensie	Limburg
Heufdplaatse	Beak
Geografie en bevolking
Öppervlakte  - Laand  - Water	48,66 km² 47,97 km² 0,69 km²
Inwonners Bevolkingsdichtheid	7.693 (30 juni 2008) 160 inw./km²
Koordinaten	51° 25′ N, 6° 2′ O
Aoverig
Belangrieke verkeersaoders	-
Netnummer	077-467....
Postkode	5975
Offisiële webstie www.sevenum.nl

Et centrum van Sevenem-darp

Sevenem is ne stad en gemeente in Nederlands-Limburg. De gemeente hef ne oppervlakte van 45,62 km² (woarvan 0,16 km² water). De gemeente Sevenem is eleagen an de raand van den Peel.

Geskiedenis

Vanof olde tieden is Sevenem n boern darp. Al in et bronzen en iezeren tiedpark was doar sproake van bewonning, wat blik uut n antal vondsten uut dee tied. Et oldste skrift woarin Sevenem wöd geneumd is nen ofloatbreef uut 1317 dee ok den patroonheiligen van de karke neumt: Fabianus en Sebastianus.

Heerlekheid

In 1674 wodden Sevenem ne zelfstaandege heerlekheid, dee beheurden bi-j et Oaverkwarteer van Gelre of Spaans Opper-Gelre. Tiedens den Spaansen Suksessieoorlog wodden et deur Prusiese tröppe bezet, en zo blef et as deel van Prusies Opper-Gelre rundumme ne eeuwe lange Duuts (tot 1814). In 1836 lukken et de inwonners van Sevenem wier um ne zelfstaandege gemeente te wodden.

Vanof 1745 wodden (eerstmoal kleinschoalig) an-enevangen mit et ofgroaven van de wooste groanden. Vanof 1938 wodden et ofgroaven groot an-epakt, hierdeur ontstaond n ni-j karkdarp: Evertsoord (op-eleaverd in 1959).

Teggenwoordeg

Vandage is ruum 80% van et Sevenems groandgebeed laandbouwgroand. De gemeente besteet noo nog uut de darpen Sevenum, Krönenbarg en Evertsoord, moar zal as zodöäneg neet lange meer bestoan: in meert 2008 blek uut n referendum dat 59% van de inwonners doar den veurkeur an gaf neet meer zelfstaandeg te blieven. Woarschienlek zol Sevenem mit de gemeente Horst aan de Maas, de darpen Meerlo, Tienraij en Swolgen nen ni-je gemeente goan wodden.

Dialekt

Sevenum ligt vlakbi-j et sniepunte van de Uerdinger liene (ik/ich) en de koud/kalt-isoglosse. Doarmet is et Sevenems n oavergängsdialekt tussen Noord-Limburgs, Limburgs en Braobants. Zee ok dizze kaarte van et Kleverlaands.

Streektaal.net rekkent Sevenem-darp en Krönenbarg nog tot et Limburgs, moar Evertsoord al tot et Noord-Limburgs.

Karke Sevenem

De karke van et darp Sevenem is ebouwd tussen 1954/1955. De karke was kloar op 15 oktober 1955. Den name is H.H. Fabianus en Sebastianus. De Sevenemse karke is ne provinsioal en gemeentelek monument.

Wettensweerdegheden

• Volgens n joarleks statisties underzeuk is Sevenem noo de kindvriendelekste gemeente van Nederlaand (2008)
• Sevenem döt met an den nasionoalen greunwedstried Entente Florale 2008

Uutgoande verwiezing

• www.sevenum.com

Provinsie Limburg
Gemeenten: Baek · Baekdaelen · Bargen · Beesel · Brunssem · Echt-Susteren · Eijsden-Margraoten · Gennep · Gulpen-Wittem · Heerlen · Horst an de Maas · Karkraode · Laandgraaf · Leudal · Maasgouw · Maastricht · Meerssen · Mook en Middelaor · Nederweert · Peel en Maas · Roerdalen · Roermond · Simpelveld · Sittard-Geleen · Stein · Valkenburg an de Geul · Vaols · Venlo · Venray · Voerendaal · Weert