Eerdgas

Eerdgas tank

Eerdgas is n fossile braandstof dat veural bestoat oet Methaan. Doarnoast bestoat t maisttied oet koolwoaterstoffen, swoavelwoaterstof, stikstof en koolstofdioxide. t Is ontstoan bie t zulfde proces as dat eerdeulje vörmd wuir, woardeur t ook voak bie eerdeulje vonden wordt. n Verschil mit eerdeulje is dat eerdgas n leger percentoage orgoanische stoffen bevat.

Ien Nedderlaand wordt eerdgas wonnen bie t Grunnegse Slochter en ien de Waddenzee.

Bie t vervoern van eerdgas mit vrachtwoagen wordt t as t woare soamenperst, om de dichtte te verlutken en meer tegelieks vervoern te kinnen. Vanoaf Ruslaand, ain van grootste gasleveranciers, wordt t gas via pieplaidens noar landen ien Europa vervoerd.

Eerdgas wordt veural bruukt veur t koken en verwaarmen van t hoes of n ander gebaauw. Dit wordt doan, deur middel van t verbranden van dit eerdgas, woardeur de woaterstofdielkes energie (waarmte) vörmen. De overge dielkes (koolstofdioxide) komt ien de locht. Dit helpt mit aan t bruikaseffekt. Deurdat allìnd de woaterstofdielkes verbraand worden, wordt pure woaterstof ook zain as t perfekte alternatief veur de fossile braandstoffen.

Hìnwiezen

• Fossile braandstoffen
• Eerdeulje
• Stainkool
• Alles over eerdgas

Schreven ien t Westerkwartaaiers