Emmen

Em is de hoofdplaots van de gelieknaomige gemiente Em, in de Nederlaandse previncie Drenthe. Em had op 1 jannewaori 2004 51.510 inwoners.

't Dörp Em ontston op de zuudoostpunt van de Hondsrogge. 't Wör veur 't eerst nuumd in een oorkonde oet 1139, toen 't as Curtis Emne (Hof van Emn) omschreven wör, wij vindt vaker de namen Emne en Empne as de olde namen veur Em. De oorkonde spreekt van een hoeve (mansus) dat bekend stiet under verschillende namen. De namen bint Saalhof, Edele Hof mor wij kent 't toch veural under de naam Heerenhof. Em wör an 't ende van de 12e eeuw een zölfstandige parochie.

Nao de Tweede Wereldoorlog wör 't economische zwakke zuudoosten van Drenthe anmarkt as ontwikkelingsgebied, waornao d'r under meer textiel- en metaolfebrieken vestigd wören. Hun komst maokte neibouwwieken noodzaokelijk. Sommige hiervan wören op relatief grote ofstand van de bestaonde kern bouwd, dit om laandschappelijk weerdevolle gebieden as 't bos Emmerdennen te beholden.