West-Vlaams

Verspreidingsgebied van et West-Vlaams

Et West-Vlaams (in 't West-Vlaams zels: West-Vlams) is de streektael die globaol praot wodt in de Belgische perveensie West-Vlaanderen en deur een diel van de bevolking van de Henegouwse gemiente Komen-Waasten (Comines-Warneton), waorvan et grondgebied in 1963 ofscheiden is van de perveensie West-Vlaanderen. Ok in et westen van Oost-Vlaanderen wodden op West-Vlaams liekende dialekten praot, bi'jveurbeeld rond Maldegem in et Meetjesland of Zulte. Daornaost wodt et ok nog praot in et westen van Zeeuws-Vlaanderen (hoewel disse dialekten vaeke bi'j et Zeeuws rekend wodden) en in Fraans-Vlaanderen (Vlaemsch). Et Fraans-Vlaams wodt liekewel mit uutstarven bedriegd; amper inkelde duzenden oolderen op et plattelaand praoten et nog.

In rume zin wodt mit West-Vlaams ok de zuudwestelike dialektgroep van et Nederlaans bedoeld. Op disse meniere is et de verzaemelnaeme veur et West-Vlaams (inklusief Fraans- en Zeeuws-Vlaams) én et Zeeuws. Et nowdaegse West-Vlaams vertoont aanders slim veul overienkomsten mit et Middelnederlaans. Ok hef et veul raekvlakken mit et Nedersaksisch, zoas in de klinkers (goan, biedroage, uut, zwyn [y=ie]); een persoonlik veurnaemwoord as joe; veul meervoolden op -s; en et inslikken van de e in warkwoorden en meervoolden).

Streektaolen in Nederlaand en Vlaanderen

Nedersaksies en Friso-Saksies     Achterhooks · Draents · Gelders-Oaveriessels · Grönnigs · Sallaands · Stellingwarfs · Tweants · Tweants-Groafschops · Urkers · Veluws · Skokkers† Westlaauwers Frais Hindeloopers · Kleifries · Noordhoeks · Oosterskellings · Schiermonnikoogs · Westerskellings · Wooldfries · Zuudwesthoeks Nederfrankies en Friso-Frankies Amelaands · Bildts · Braobaants · Hollaands (Utrechts-Alblasserweerds · Zuud-Hollaands) · Kleverlaands · Limbörgs · Oost-Vlaams · Stadsfries · Westfrais · West-Vlaams · Zais · Zuud-Gelders