Verskil tüsken versys van "Harm Agteresch"

Uut Wikipedia, de vrye encyklopedy
Verwijderde inhoud Toegevoegde inhoud
Regel 48: Regel 48:
*''Luuster leedjes'' (Latent, 98 10048, 1998)
*''Luuster leedjes'' (Latent, 98 10048, 1998)


==Bronnen==
==Bronnen en reffereansies==
[http://www.streektaalzang.nl/strk/over/overharn.htm Stokkien op de webstee Streektaalmuziek in Nederland]<br />
[http://www.streektaalzang.nl/strk/over/overharn.htm Stokkien op de webstee Streektaalmuziek in Nederland]<br />
[http://www.rtvoost.nl/nieuws/?id=75973&cat=61 Stokkien op de webstee van RTV Oost]
[http://www.rtvoost.nl/nieuws/?id=75973&cat=61 Stokkien op de webstee van RTV Oost]

<references/>


==Oetgoande verbeendige==
==Oetgoande verbeendige==

Versy up 13:09, 9 aug 2010

Bestaand:Harm oet Riessen.JPG
Harm Agteresch (Harm oet Riessen) (welle: RTV Oost)

Harm Agteresch (Riesn, 20 april 1943) is een revueskriewer, komiek, leedkesmaker en presentator, den as zien artiestennaamn Harm oet Riessen hef. Zinn offisjeeln skeeldnaamn was aait Harm van Biesterwilmke, mear duurdet'e bekeand is ewördn as Harm oet Riessen gebrok iederene den non.

Persoonlik

Agteresch greuidn op in t Tweantse Riesn en volgen n opleaidege as stukadoor. Hee was etrouwd met Dinie, den at in 2004 oet de tied is ekömn. Ze kreegn twee dochters en twee zöns. Ene van de dochters zit op t kafeetjen van t Parkgebouw in Riesn.

Juli 2010 wör duur de dokters longkaanker bie Harm eveundn. Ze meant at hee hoogoet zoonder chemokuurn nog dreekwart joarn te leawn hef. Zin nieje vrindin dut um begeleaidn. Zelf zegt hee: "Ik hebbe n mooi leawn ehad."[1]

Loopbaan

Met zin eerste leedke, Kruus van de koo (1975), kreeg-e laandelike bekeandheaid op radio en tv. Zin radioprogramma op de zoaterdagemoarn biej n Oaveriesselsen zeander Radio Oost het Harms Farms. t Programma besteet al mear as twentig joar en dr keump völle piratenmeziek in an bod. Op TV Oost, woeras-e meansken interviewt, is-e vake te zeen op ne fietse met ne plaante achterop.

Agteresch is ook eene van de initiatiefnemmers van de Riessense Revue, woeras-e non nog vuur skrif en regisseerwoark vuur dut.

In 2007 hef-e t bekeande opera-stuk De Barbier van Sevilla umme zat noar t Riesns, met nen komiesn dreei dr an: n Skearbaas van Riesn. Toew TV Oost um vreug woerumme, zear-e: "Ik verveeldn mie."
Disn vuurstelling was alle dree de oawnde oetverkoch. Hiervuur brachn-e verskeaidene toneelgroepn oet Riesn, Eanter en Hooltn biej mekoar, met muzikale oonderstönnige van n Riesnsen bloaskapel De Kamgoarn Klösse. In 2008 köm-e met n niej stuk, wat ook wier ne umzetting was van n bekeand opera-stuk: Tsaar & Timmerman. Hiervuur wör de umgewing van de Pelmölle an de Regge an epast.

Hee skrif ook alle wèkke vuur t Riesns Niejsblad n komies stukn oonder de titel Harm's Proat. De leu köant um dan beln of skriewn as dr zik wat grappigs of biezeunders hef vuur edoan met könnigen van öar. Doar maakt Harm dan n grappig verhaaltjen umhen, woerbiej-te vake n naamn en Skeeldnaamn van dee leu neump.

Harm krig de leste joarn mangs wat anmoarkings te heurn. Zo wördt dr van um ezeg dèt-e gin good Riesns mear dut. Dèt kan as reedn hebn dèt-e vuur n regionaaln zeander woarket, aandern meant at-e zin hoesnommer hef vergètn.

Harm is te zeen in de 4e riege van de populaire Tweantse regiosoap Van Jonge Leu en Oale Groond (vanof 2008). Det dut-e oonder de vuurwearde det-e Riesns mag köjern. Hee spölt nen Riesnsen boer den at Lansink het.

Op zoaterdag 10 april 2010 skeaidn der Harm met oet, met zin programma Harm's Farms op RTV Oost. Hee wol de 25 joar nit volmaakn, doarumme skeaidn he dr noa 24,5 joar met oet. Op zin ofskeaidsfeest deedn verskeaidene bekeande ärtieste optreedn, zo as Henk Wijngaard en Ben Steneker.

Plaoten

MC:

  • Met ne glimlach (Telstar TMC 20070, 1980)

LP's:

  • Loat mie méér joekelul'n (Telstar TSP 16960, 1980)
  • I am ben een Kentucky Tukker" (Telstar TAR 19989, 1981)
  • Met ne glimlach (Telstar TAR 19007, 1982)
  • One man show: he, he, foei, foei (Telstar TLP 19076, 1985)

LP's samen mit aandern:

  • Twente Plat 5 (Ivory Tower ITL 25.138, 198?)

CD's:

  • Bloote beene stoete met sjem (Dukarec, DMPCD 1992.003, 1992)
  • Harm oet Riessen (Ivory Tower ITD 20.127, 199?)
  • Zin en onzin (Ivory Tower ITD 20.163, 2000)

CD's samen met aandern:

  • Bie Dinkel en Regge, deel 1 (Ekkelboom Music EMCD 94010, 1994)
  • De daverende 13 Carnaval (+ 4 extra) (199?)
  • Luuster leedjes (Latent, 98 10048, 1998)

Bronnen en reffereansies

Stokkien op de webstee Streektaalmuziek in Nederland
Stokkien op de webstee van RTV Oost

  1. RTV Oost - Harm oet Riessen heeft longkanker. 4 Augustus 2010

Oetgoande verbeendige

Disse bladziede is eskreeuwn in t Riesns