Daans

Daans (lichtkaans uut 't Oold-Fraanse dancier of uut 't Frankisch) is et ritmisch bewegen van et lief. Meerstal gebeurt daansen op meziek. Daansen is een vorm van expressie, en kan allienig of tegere as sociaole aktiviteit daon wodden.

Een daans wodt meerstal op et laand uutvoerd, bi'jveurbeeld in zaelen, disko's, thuus veur de spiegel, en aandere eupenbaore ruumtes, mar ok in et waeter wodt d'r pattietoeren een daans uutvoerd, veurbeelden hiervan bin: waeterballet en synchroonzwemmen. D'r bin ok pattie sporten waor vechtkeunsten kombineerd wodden mit daans, een veurbeeld hiervan is 'kata'.

Dierewereld

Daans komt niet allienig bi'j meensken veur, ok in de dierewereld wodt d'r daanst, in de dierewereld het een daans liekewel een betekenis en wodt niet daon as amuzement: et wodt meerstal bruukt om te kommuniceren en zo bepaolde lekaosies van bi'jveurbeeld eten dudelik te maeken. Daans kan in de dierewereld ok bruukt wodden om de vrouwgies te imponeren.

Daansstielen

D'r bin slim veul verschillende daanssoorten, hieronder een antal bekende daanssoorten:

• Klassiek ballet
• Jazzballet
• Mederne daans
• Jazzdaans
• Stieldaansen
• Latiens-Amerikaanse daans
• Volksdaansen
• Daansexpressie
• Rock 'n' roll
• Individuele daans
• Swing
• Straotdaans
• Buukdaans
• Striptease
• Hofdaansen
• Liendaansen
• Fermaosiedaansen