Nedersaksen

Nedersaksen in Duutslaand

Nedersaksen (Grunnegs ook: Leegsaksen, Platduuts: Neddersassen, Duuts: Niedersachsen, Engels: Lower Saxony) is n dailstoat van Duutslaand. t Is noa Baiern de grootste dailstoat van t laand. t Het as heufdstad Hannover en was verdaild in 4 provìnzies (Bezirke): Weser-Ems, Lunenbörg, Hanover en Broenswiek. De minister-presidìnt van Leegsaksen is Christian Wulff van t CDU.

Geogroafie

Leegsaksen grènst mit de klok mit aan de Noordzee/Waddenzee, Breem, Hambörg, Sleeswiek-Holstain, Mecklenbörg-Veurpommern, Brandenbörg, Saksen-Anhoalt, Thureng, Hezzen, Noordrhain-Westfele, Overiesel, de Drìnt en Grunnen.

Toalen

In Leegsaksen wordt, noast t Hoogduuts, Frais sproken as twaide officiele toal. t Leegsaksisch wordt as streektoal sproken in verschaidene dialekten.

Streken

• Emslaand
• Haars
• Lunenbörger haaide
• Oldenbörger Laand
• Oldenbörger Munsterlaand
• Oostfraislaand
• Weserbaarglaand
• Groafskop Bentum

Laandkraitsen

Ammerlaand (Ammerland) Aauwerk (Aurich) Geveskop Bentum (Grafschaft Bentheim) Zelle (Celle) Kloppenbörg (Cloppenburg) Kuxhoaven (Cuxhaven) Daipholt (Diepholz) Emslaand (Emsland) Fraislaand (Friesland) Gefhörn (Gifhorn) Gosseloar (Goslar) Götten (Göttingen)

Hoameln-Pirmon (Hameln-Pyrmont) Hanover (Hannover) Haarbörg (Harburg) Helmstee (Helmstedt) Hilleshaim (Hildesheim) Holtminden (Holzminden) Leer (Leer) Lugo-Danbaarg (Lüchow-Dannenberg) Lunenbörg (Lüneburg) Nijenbörg (Nienburg) Northum (Northeim) Oldenbörg (Oldenburg) Osnabrog (Osnabrück)

Oosterholt (Osterholz) Oosteroden in de Haars (Osterode am Harz) de Penne (Peine) Rodenbörg (Rotenburg) Schoembörg (Schaumburg) Zoltou-Fallenbozzel (Soltau-Fallingbostel) Stade (Stade) Ulzen (Uelzen) Vechta (Vechta) Verden (Verden) Wezermaars (Wesermarsch) Wittmond (Wittmund) Wolvenbottel (Wolfenbüttel)