Verskil tüsken versys van "Ludwig van Beethoven"

Uut Wikipedia, de vrye encyklopedy
Verwijderde inhoud Toegevoegde inhoud
Erik Warmelink (Oaverleg | bydragen)
Almabot (Oaverleg | bydragen)
Regel 92: Regel 92:
[[kn:ಲುಡ್ವಿಗ್ ವಾನ್ ಬೆಟ್ಹೋವನ್]]
[[kn:ಲುಡ್ವಿಗ್ ವಾನ್ ಬೆಟ್ಹೋವನ್]]
[[ko:루트비히 판 베토벤]]
[[ko:루트비히 판 베토벤]]
[[krc:Бетховен, Людвиг ван]]
[[ku:Ludwig van Beethoven]]
[[ku:Ludwig van Beethoven]]
[[la:Ludovicus van Beethoven]]
[[la:Ludovicus van Beethoven]]

Versy up 05:00, 13 mei 2010

Ludwig van Beethoven duur Joseph Karl Stieler, 1820

Ludwig van Beethoven (Bonn, 16 december 1770Weenn, 26 meart 1827) was nen Duutsen Muziekskriewer.

Leawn

Bonn (1770-1792)

Ludwig van Beethoven was ne zönne van n Rijnlaandsen zanger Johann van Beethoven en den zinne vrouwe Magdalena Keverich. Zin grotvaa köm oet Mecheln en köm in Bonn te wonn. Doarumme hef hee t Hollaandse "van" in zinn achternaamn.

Zin vaa probeerdn van um n woonderwich te maakn net as det met Mozart gung, toew at hee moarkn det Ludwig slim muzikaal was. Ludwig har nen zwoarn jeugnd, met völle oarmood en nen vaa den at völle dreunk. Mangs at den in thoes köm met könnigheaid of aandere geste, haaldn hee Ludwig midln in n nach oet berre um vuur öar piano te spöln. Det maakn van Ludwig n soomber meanske, mear eenn den at mangs ook duur zin oetgoande karakter onmeundig skik kon maakn.

Van 1777 töt 1781 gung Ludwig noar n Tirocinium, ne leagere skoole woer at Latiens eleard wör. n Spölkammeröadje zea van um det hee n todderig kearlken was. Noar t gimnasium gung hee neet hen, en wieters kreeg hee ook gin oonderrich mear. Alle tied wör in de muziek estökn.

De jonge joarn van Ludwig beent oardig good beskreewn in n manuskript wat t gezin Fischer noaleut, dee at vanof 1776 in t zelfde hoes as de Van Beethovens woondn:

Ook toew at hee wat eulder was, was hee vake nog nen todderigen. Caecilia, ene van de dochters van Fischer, zea um: "Wat bi'j toch nen todderigen. Zorget is wat better vuur oewzelf." Ludwig antwoordn: "Wat he'k dr an o'k n hearskop worde of neet, gin meanske zut mie."

As nen volwasnen kearl kreeg hee vake makkelik verskel en kon mangs onmeundig krang wean, ook teegn zinne vriendn. Mear hee woarkn dan onmeundig hart um zinne verlöarne vriendskopn wier terugge te winn. Later, noa 1801, wör hee al mear krang, umdet hee vernemn kon at hee doof begun te wordn. Ook klaagn hee regelmoatig oawer zinne vertearige. Later wör wal es an enömn det zinne slechte buujn te maakn hadn met nen kuurndoarm, den at al slimmer wör duur zin zwoare gemood. Doarnöast wör noa zin stoarvn bie ne liekschouwige ne leawerkwoale vast esteeld, den at wellich met völle draank te maakn hef. Ondaanks al dee kwoaln bleef hee muziek skriewn töt n poar daage vuurdet hee oet de tied köm.

In 1779 nöm hee les bie Christian Gottlob Neefe, nen hoforganist, den at um könnig dee wordn met Bach, Haydn en Mozart. Toew at hee 11 joar oold was keandn hee Das Wohltemperierte Klavier van Bach al oet n kop en skreef hee zinne eegne stuks. Toew at hee 12 joar was kon hee al invaln vuur Neefe as organist en kapelmeaister. In 1781 gung hee met zin moo noar Rotterdam.


Dit artikel is noch mär en beginnetjen. Help mead döär et üüt to breiden.