Duve

Een duve

Een duve of doeve (Latien: Columbidae) is een voegelsoorte dee vake veurkump. In Nederlaand koemen een paor duvesoorten veur, waovan sommigen der stark an de meens an-epas hemmen. De rotsduve bieveurbeeld is een veurouwer van de tamme stadsduve dee-j overal in de grote stejen zien, volgens sommigen luui soms zelfs in te veule. Veur veule meensen is de stadsduve dé duve, mar een duve as de Turkse tortel of de houtduve kump oek aorig vake veur in Europa.

Tamme duven

Duven wonnen al iewig lange ehuilen deur de meens; as pluumvee, um ze (in duvetillen) vet te messen en op te eten, mar veural oek as posduve vanwegen der goeie oriëntasievermeugen. Al in de vuufde dynastie van 't ouwe Egypte (±2000 veur Christus) bestungen der al tamme duven. Hiervan bin tekeningen evunnen in een graf uut disse periode. In de Tachtigjaorige Oorlog wönnen de duve al gebruuk um tiejigen te doon vanuut bezetten stejen. In de Eerste Wereldoorlog gebruken 't Duutse leger mar de ealliëren posduven.

De duve as symbool

De duve steet symbool veur verschillende dingen.

• Personeficasie van de vree, 't hef dan vake een olieftakke in zien bek, in tegenstelling tot de raove. Dit is weerumme te haolen uut 't verhaol van Noach.
• Een duvepaortjen is 't symbool van de liefde. Vake is dit 't attribuut van Venus.
• 't Christelijke symbool veur de Heilige Gees, naor de woorden van Jehannes de Deuper: En Jehannes getugen: ‘Ik heb de Gees as een duve uut de hemel zien neerkoemen, en hij bleef op hum russen.’ (Jehannes 1:32).
• De ziel. Op ouwe schilderiejen steet soms een nonne of-ebeeld waobie een duve uut de mond kump vlegen. De ziel verlaot dan 't lief.
• Een duve mit een flesjen in de snavel is 't attribuut van Remigius.

Nedersaksisch

• Achterhooks: doeve
• Drèents: doef, doeve
• Grunnegs: doef, mok
• Stellingwarfs: doeve of doewe
• Tweants: doev(e), doewe
• Urkers: deuf
• Veluws:
  • duuf, duve
  • doeve (veural Oost-Veluws en in Nunspeet)
  • deuve (Epe, Vaossen, Doospiek)

Commons: Duve - plaatjes, filmkes en/of gelüüdsbestanden.