Rembrandt van Rijn

Bestaand:Rembrandt van rijn-self portrait.jpg

Zelfportret (1661)

Rembrandt Harmenszoon van Rijn (Leiden, 15 juli 1606 of 1607 - Amsterdam, 4 oktober 1669) was nen Nederlaands kunstskilder. Hi-j leafden en warkte in den Golden Eeuwe, et heugtepunt van den Nederlaandsen kultuur, wetenschap, handel en machte. Rembrandt wödt oaveral ezeen as den belangriekstne Hollaandsen meister van den 17den eeuwe en vervoardigden in totaal rundumme 300 skilderi-jen, 300 etsen en 2000 tekkeningen. Zien wark beheurt tot den Barok en is beïnvlood deur et Caravaggisme. Hi-j was den enigen Hollaandsen skilder dee mit zien veurnaom tekkenden.

Rembrandt zag zichzelf as nen historie- en portretskilder. Hi-j maakten in alle leavensfoasen deur iederene bewonderden zelfportretten. Zien 100 geskilderden en 20 etsten zelfportretten geaft nen opmarkeliek scharp beeld van zien uuterlek en zien geveulens. Zien noaste familie: zien mooder Neeltje van Suydtbroek, Saskia van Uylenburgh, zien vrouwe en zien zunne Titus van Rijn bunt mangs noadrükkelek in zien skilderi-jen anweazig. Woarschienlek hebt ok zien maîtresseGeertje Dircx en leavensgezal Hendrickje Stoffels model estaon veur biebelsen of historiesen figuren, moar doarveur bunt neet veul bewieze.

Ok zien etsen en tekkeningen bunt bereumd. Zien opmarkelieken beheersing van et spöl mit lecht en donker, woarbi-j hi-j mangs scharpe helderheid in schoakering van kleurn (clair-obscur) pinzelen, um zo den kieker den veurstelling binnen te leiden, leidden tot leavendigen toaferelen vol droamateek. Zien zichtboaren betrokkenheid en medelieden, riekdom, leaftied of afkomst mek neet uut, zie wet Rembrandt oaveral ter weald te begriepen en woarderen.