Rieksmonument

Monumentenschildje

Nen rieksmonument is nen zoak (gebouw, veurwarp, stads- of darpsgezicht) welke van algemenen belang is weagens den schoonheid, den betekkenis veur den wetenschop of den kultuurhistoriesen weerde. Dit steet umskreaven in den monumentenwet van 1988. Doar is nen minimum leaftied van 50 joar van den zoak um in anmerking te kommen veur et moatschoppelek anzeen van bescharmd rieksmonument. Rieksmonumenten bunt oaver et algemeen veurzeen van et internasionalen blauw-witten monumentenschildjen (zee ofbeelding).

Nederlaand hef rundumme 51.000 gebouwden rieksmonumenten, 1.500 archeologiesen rieksmonumenten en 350 bescharmden stads- en darpsgezichten.

Dee rieksmonumenten bunt in-eskreaven in den Monumentenlieste (artikel 1 Monumentenwet 1988), deej vanzelf künt vinden in den veurwarpenverzoameling van et (ODB), beheerd deur den RACM. Den veurwarpenverzoameling is neet publeekeliek toogänkelek.

In 2000 wöd et untwarp "Actualisering Monumentenregister" an-evangen, um den laandeleken lieste bi-j te warken en betrouwboarder en toogänkeleker te maken.

Veur et onderhold van Rieksmonumenten bestoat fiscoalen veurzeeningen.

Tiedeleken beleidsreagel anwiezing bescharmden monumenten

Op 1 juli 2007 ging nen tiedeleken beleidsreagel van kracht (Tiedeleken beleidsreagel anwiezing bescharmden monumenten 2007) in opdrächt van den minister van Onderwies, Kultuur en Wetenschop, R.H.A. Plasterk woarin den anwiezing van rieksmonumenten tot 1 januari 2009 is op-eschort veur zoaken ebouwd veur 1940. Allenig bi-j hogen uutzundering wödden bescharmden rieksmonumenten an-eweazen, allenig wanneer den zoak beheurt tot den rundumme 100 meest weerdevolle monumenten dee ebouwd bunt in den tied 1940 / 1958 (den zogeneumden wiederopbouw-tied). Dizzen lieste wöd in den harfst van 2007 uutegeaven, zee: lieste van ni-jen rieksmonumenten (2007). Den minister kos veur dizzen beleidsreagel umdat hi-j rap mit den verni-jing van den monumentenzörg wol anvangen.

Nen vergeliekboaren moatregel gold veur den tied juli 2006 tot juli 2007.

Top 10 gemeenten mit den meesten monumenten

Gemeente	rieksmonumenten	gemeenteleken monumenten
Amsterdam	7453	876
Maastricht	1666	geen
Utrecht	ca. 1400	ca. 1600
Leiden	1365	1559
Haarlem	1194	100
Middelburg (gemeente)	1158	110
Den Haag	1155	1178
Dordrecht	900	160
Schouwen-Doevelaand	807	400
Delft	709	757

Zee ok

• Monumentenzörg
• Top 100 der Nederlaandsen UNESCO-monumenten

Uutgoande verwiezingen

• Monumentenwet 1988
• Ni-jen rieksmonumenten

Bron: Gezicht op gebouwd erfgoed Delft - monumentennota 2007-2017, Gemeente Delft Vakteam Monumentenzorg & Bouwkwaliteit, December 2006