Verskil tüsken versys van "Waarkwoord"
Geen bewerkingssamenvatting |
Geen bewerkingssamenvatting |
||
Regel 33: | Regel 33: | ||
== Tied == |
== Tied == |
||
Waarkwoorden worden ok vervougd noa tied. Maistieds betaikent dit dat sproaken as grond van t systeem n twaidelen hebben tuzzen of toukommende tied en nait-toukommende tied, of vergangen tied en nait-vergangen tied. Maiste sproaken bruken n systeem mit (veul) meer tieden, moar krap-aan apmoal bruken zie ain van dizze systemen as boases: |
Waarkwoorden worden ok vervougd noa tied. Maistieds betaikent dit dat sproaken as grond van t systeem n twaidelen hebben tuzzen of toukommende tied en nait-toukommende tied, of vergangen tied en nait-vergangen tied. Maiste sproaken bruken n systeem mit (veul) meer tieden, moar krap-aan apmoal bruken zie ain van dizze systemen as boases: |
||
{| |
|||
| * [[Onvoltooid tegenswoordege tied]] |
|||
| (''presens'') |
|||
| ''ik loop'' |
|||
|- |
|||
| * [[Voltooid tegenswoordege tied]] |
|||
|} |
|||
* [[Onvoltooid vergangen tied]] (''imperfektum''): ''ik luip'' |
|||
* [[Voltooid vergangen tied]] (''pluskwamperfektum''): ''ik haar lopen'' |
|||
* [[Onvoltooid tegenswoordege toukomende tied]] (''futurum simpleks''): ''ik zel lopen'' |
|||
* [[Voltooid tegenswoordege toukomende tied]] (''futurum eksaktum''): ''ik zel lopen hebben'' |
|||
* [[Onvoltooid vergangen toukomende tied]] (''futurum preteriti''): ''ik zol lopen'' |
|||
* [[Voltooid vergangen toukomende tied]] (''futurum eksaktum preteriti''): ''ik zol lopen hebben'' |
|||
* [[Onvoltooid tegenswoordege tied]] (''presens''): ''ik loop'' |
* [[Onvoltooid tegenswoordege tied]] (''presens''): ''ik loop'' |
Versy up 11:53, 19 aug 2009
t Waarkwoord (Latain: verbum) is n woord dat in schier alle sproaken van de wereld soamen met t onderwaarp en eventueel n objekt (veurwaarp) de boases vörmt van n zin.
Waarkwoorden verschelen as woordoard wezenlek van noamwoorden, deurdat zie gain verwiezende funktie hebben moar n aktie (doun, bikken), toustand (binnen, stoan, drieven) of n gebeurtenis (staarven, mietern) uutdrukken.
Overgankelkhaid
Der binnen overgankelke (transitieve) en onovergankelke (intransitieve) waarkwoorden.
Overgankelke waarkwoorden
Overgankelke of transitieve waarkwoorden hebben noast n onderwaarp ook ain of twai objekten:
- Jan sloat Piet
Dizze bovenstoande zin het ain objekt. Jan is t onderwaarp en Piet is objekt (in dit gevaal laaidend veurwaarp).
- Jan geeft Piet n bouk
Dizze zin het twai objekten: Piet en n bouk (Piet is metwaarkend veurwaarp, n bouk laaidend veurwaarp).
Kenmaarkend is dat t objekt onderwaarp wordt en aans om, wenneer t waarkwoord passief maakt wordt. Bieveurbeeld: 'ik zai hom' wordt na passiveern: 'hai wordt deur mie zain'.
Onovergankelke waarkwoorden
Onovergankelke of intransitieve waarkwoorden hebben gain objekt:
- Hai veralteraaiert
Der binnen ok waarkwoorden dij zowel met as zunder objekt kinnen veurkommen:
- t snijt
- t snijt bladjen
Getal en persoon
In glad alle sproaken (behaalven de gehail analitische) verandern waarkwoorden in meer of mindere moate van vörm as t getal veraanderd, de persoon en sumtieds ok t geslacht van t biebeheurende subjekt. Dit hait de vervougen. De zo aan t subjekt aanpaste waarkwoordsvörm hait ok wel de persoonsvörm. Mit t getal wordt maind enkelvold of meervold. Summege sproaken hebben ok n twaivold. Persoon onderschaiden wie in eerste, twaide en derde persoon. Dizze binnen in t enkelvold: (1) ik, (2) doe en joe en (3) hai, zie en t. In het meervoud: (1) wie, (2) joe en (3) zie.
Tied
Waarkwoorden worden ok vervougd noa tied. Maistieds betaikent dit dat sproaken as grond van t systeem n twaidelen hebben tuzzen of toukommende tied en nait-toukommende tied, of vergangen tied en nait-vergangen tied. Maiste sproaken bruken n systeem mit (veul) meer tieden, moar krap-aan apmoal bruken zie ain van dizze systemen as boases:
- Onvoltooid tegenswoordege tied (presens): ik loop
- Voltooid tegenswoordege tied (perfektum): ik heb lopen
- Onvoltooid vergangen tied (imperfektum): ik luip
- Voltooid vergangen tied (pluskwamperfektum): ik haar lopen
- Onvoltooid tegenswoordege toukomende tied (futurum simpleks): ik zel lopen
- Voltooid tegenswoordege toukomende tied (futurum eksaktum): ik zel lopen hebben
- Onvoltooid vergangen toukomende tied (futurum preteriti): ik zol lopen
- Voltooid vergangen toukomende tied (futurum eksaktum preteriti): ik zol lopen hebben
Wies
Waarkwoorden kinnen de volgende wiezen:
Aantonende wies (indikatief)
Dit is de "normoale" vörm van t waarkwoord, dij de waarkelkhaid aangeft: ik loop, hai luip.
Onbepoalde wies (infinitief)
t Haile waarkwoord: lopen.
Gebiedende wies (imperatief)
Dizze geft maistieds n bevel weer: loop!
Aanvougende wies (konjunktief)
De boasesbetaikenis van de aanvougende wies is: "iets dat nait woar is, iets woarvan nait wis is of t woar is, of iets woarvan wenst wordt dat t woar is": hai zol lopen, hai zol dat zegd hebben, ik wol dat t zo was.