Warfstermeul

Uut Wikipedia, de vrye encyklopedy
Warfstermeul: de Gruytsweg zain vanof de drijesprong

Warfstermeul (Hoogelaandsters: Waarfstermeulen) is n streekdörp ien de gemeente Kölmerland en Nijkruusland, provìnzie Friesland (Nederland), mit ruum 200 ienwoners, dat aan de 1315 aanlègde olle zeediek ontstoan is, middelekerwies noadat ien 1529 de nije diek om t Nijkruusland aanlegd was. t Elemint 'warf' ien de noam duudt op n huus op de diek woar de diekvergoaderens holden werren en de 'meul' ien de noam komt al ien 1574 veur ien de bornen. Warfstermeul is laank n buurtschap bie Boerum wèst moar wordt nou as zulfstandeg aanmaarkt.

t Dörp bestoat uut n toamelek sloten lintbebaauwen aan veurnoamelek de zuudziede van de olle diek en n beschaiden noa-oorloogse dörpsuutdijen aan de zuudziede, De Warf en omgeven, woaromhen de deurgoande weeg legd is. Ook aan de Gruytsweeg is noa de Twijde Wereldoorlog nog volkshuusvesten kommen woardeur de nederzetten aan de diek n goeie soamenhong vertoont. De lèste jaren is de noordeleke baarm van dizze diek bie zummerdag n blommenweelde.