Slavko Avsenik

Uut Wikipedia, de vrye encyklopedy

Slavko Avsenik (26 november 19292 juli 2015) was nen Sloveensen muzikaant en muziekskriewer oet Begunje, Oberkrain (Sloveens: Gorenjski). Hee was de bedeanker van de oberkrainer volksmuziek.

Det is ene van de meest invloodrieke stieln vuur volksmuzikaantn van rechtevoort in Slovenië, Oostenriek, Zwitserlaand, Liechtenstein, Duutslaand en de Benelux. Duur Avsenik onsteundn völle bands dee't nog aait op zinne manere muziek maakt. Ook skreef hee völle nommers dee't nog aait töt t standaard repertoire van völle oberkrainermuziekgroepn heurt.

Avsenik was eerst profesjoneel skispringer, mear oonder n Dienst leardn he zikzelf trekzak spöln.

Muzikale leawn[bewark | bronkode bewarken]

Met zien breur Wilko op klarinet en nen bassist vörmden Slavko Avsenik t Trio Avsenik. Later vörmden he t Gorenjski Kvintet, dee't later vearder gungn oonder n naamn Slavko Avsenik und seine Original Oberkrainer Musikanten. Doarmet wörh e oetveender van t Oberkrainer-geluud.

Avsenik hef vuur miljoenn leu espöld (woereunter stoatsheuwde) en in doezenden konsertn, radio- en tellevisieprogramma's. Hee hef mear as 30 miljoen plaatn verkocht en 31 gooldn, 2 diamaantn en 1 platinaplaat ewunn. Ze neumt um de "Johann Strauss van de 21e eeuw".

Avsenik woarkn saamn met zien breur Wilko an mear as 1000 verskilnde nommers. In 1953 begun t bälleken te roln, toen as Avsenik met zinne muziekgroepe in n Oostenrieks radioprogramma (t Sloveense Uurkn) spöldn. n Presentator neumdn öar "de muzikaantn van Oberkrain". Al vlot warn ze tot in West-Duutslaand bekeand.

In 1960 kreegn Slavko Avsenik und seine Original Oberkrainer Musikanten n plaatnkontrakt biej t Duutse Rundfunk-Decca, woerduur ze regelmoatig in TV-programma's kwamn. Ze toerdn onmeundig völle.

Zien bekeandste nummer blif Na Golici (trompetn-echo), wat al mear as 600 moal in aandere versies is oet ebracht[1].

Oberkrainer geluud[bewark | bronkode bewarken]

t Oberkrainer Geluud wörd verkreegn duur minimaal vief instrumeantn:

Vake keump hier dan ook nog mearstemmigen zaank biej. Terwiel at völle leu deankt dèt t seempele meziek is (en zo kleenkt t ook) zitt r zelfs vaake nog jazz-akkoordn in.

Oetgoande verbeendege[bewark | bronkode bewarken]

Verwiezingn[bewark | bronkode bewarken]

  1. 24ur.com. Jubilejna turneja avsenikov razprodana. 22-4-2013. Bekekn op 11-04-2014.
Disse pagina is eskreewn in t Riesns