Schildknoap
Een schildknoap was nen (adelleken) jongen kearl den in dienst stoand van nen ridder.
Page[bewark | bronkode bewarken]
Nen schildknoap begun as page (vanof et 7de tot et 14de, 15de leavensjoar). Adelleu brachten eure zönnen noar nen ridder om zörg te draegen veur de opvoeding. Nen page was nen persoonlek dienoar van den ridder. De warkzoamheden van nen page bestoanden uut alle veurkommende karweien dee den ridder him opdroog. Bi-jveurbeeld dat den page de moaltied mös kloarmaakn, verantweurdelek was veur et onderholden van de uutrösting, et verzörgen van de peerde en beeste en under aandere et beddestee kloar möst maakn. Tiedens den tied dat den jongen kearl page was, leerden hi-j mit name de juuste umgängsvörmen (höffelek wean, eer, mood, trouw) in de ridderleke weald.
Schildknoap[bewark | bronkode bewarken]
As nen page in de oge van den ridder de juuste eigenschopppen blek te hebben en stark genög was, wierd hi-j nen schildknoap. Den schildknoap deenden den ridder en was altied noast him, ok tiedens den veldtocht in den krieg. Wieters droog hi-j zien woapenschild, vandoar den name schildknoap.
Den warkzaamheden van den schildknoap bestoanden veural uut et verzörgen van de uutrösting van den ridder en et verzörgen van ziene peerde en hunde, et verzörgen van wonden en et veurbereiden en anweazig wean bi-j den jächt. Doarnoast leerden hi-j de kriegskunst, vechten, umgoan mit woapens en kreg den schildknoap (gezamenlek mit aandere schildknoapen) uut-ebreiden lichameleke oefeningen. Wanneer den schildknoap zich in den stried of op n toernooi beweazen had, gaf den ridder him den ridderslag. Dit was anders gin verheffing in den edelstaand, moar et bewies dat hi-j oaver de juuste (ridderleke) eigenschoppen blek te beschikken.