Regge

Uut Wikipedia, de vrye encyklopedy
De Regge

De Regge (ook wal 'n Oa) is nen rivier in Oaveriessel den as begint bie Landgood Westerflier bie Depenem en den oetkump in de Vechte bie Ommen. De rivier kan opedeeld worden in de boaven-Regge (Depenem-Riessen), Midden-Regge (Riessen-Heldern) en Beneden-Regge (Heldern-Ommen).

Bie Goor geet de Regge onder et Tweantekanaal duur.

In de Middeleeuwen heuren de Buursebekke ook bie de Regge bie an, wat doarmet ansleut op de Oa bie Oahoes. In et Twents wördt de Regge nog aait wal 'n Oa neumd, al geldt dat vuur meardere rivieren.

Um 'n handel vanoet Westfalen en Tweante op zik an te halen en doarmet Zutphen te oawertreffen, leut Deaventer in de 16e eeuwe de Skipbekke greaven. Tot 1925 wör der op de Regge voaren met zompen dee doarvuur in Enter emaakt wörden. Noa 1849 is de Regge kanaliseerd, umdat he earder aait oaverstreumen. Rechtevoort probeert ze de Regge et olde verloop wier te doon.

Archeoloog Waterbolk [1] meanen dat de Regge vrogger de benedenlöppe van de Berkel was en dat de benedenlöppe van de hudige Berkel feitelik de benedenlöppe van de Grolse Slinge is. De Slinge kump noo nöast Borklo oet in de Berkel zo as ze rechtevoort löp. In de middeleeuwen zol der dan ne oaverlöppe tussen de streumdallen van Berkel en Slinge emaakt wean tussen Hoarle en Borklo, woarmet een stukke van de Regge (Olde Berkel) dreugveel. De oorsprunkelike Berkel, van Eibarge via Hoarle noar Regge, zol dan de ofscheiding tussen Gelre en Tweante ewest wean.

Gebroek[bewark | bronkode bewarken]

Et vuurnaamste gebroek van de Regge was et vervoren van goderen met Enterse zompen. Onder andere bie de Pelmölle in Riessen wörden goderen inebracht. Rechtevoort doot ze der plezeertochten op organiseren, met flusterboten en niej ebouwde zompen.

Anhalings[bewark | bronkode bewarken]

In et Oaweriessels, Tweants en et Riessens volksleed wördt de Regge neumd:

Oaweriessels volksleed

Aan de rand van Hollands gouwen
Over brede IJsselstroom
Ligt daar, lieflijk om t' aanschouwen
Overijssel, fier en vroom.
Waar de Vecht en Regge kronk'len
Door de heuv'len in 't verschiet
Waar de Dinkelgolfjes fonk'len
Ligt het land, dat 'k stil bespied.

Tweants volksleed

Doar lig tusken Deenkel en Regge n laand
oons mooie en neerige Tweante

Riesns volksleed

Tusken heed en bos en akker
Tusken t hoog en leege laand
Woer t n Oa zo laankzaam, laankzaam kroonkelt
zik nen weg noar t noorden baant

Nedersaksisch[bewark | bronkode bewarken]

  • Twents: Oa, Regge
  • Oawerig: Regge

Boaven-Regge in et noorden van et Twentekanaal[bewark | bronkode bewarken]

Boaven-Regge bie Depenem[bewark | bronkode bewarken]

Wellen[bewark | bronkode bewarken]

  1. www.graafschap-middeleeuwen.nl


Wikimedia Commons Commons: Regge - plaatjes, filmkes en/of gelüüdsbestanden.