Johan Veenstra

Uut Wikipedia, de vrye encyklopedy

Johan Veenstra (geboren op 6 jannewaori 1946 in Wolvege, Frieslaand) is ien van de bekendste Stellingwarver schrievers. Hi'j schrift Stellingwarfstaelige dichtbondels, verhaelen en romans. Eers as vule Nedersaksische schrievers, die vaeke ok in et Nederlaands doende bin, schrift Veenstra konsekwent in et Stellingwarfs.

Schrieversleven[bewark | bronkode bewarken]

Veenstra het zien hiele leven in Ni'jhooltpae in dezelde gemiente woond. Negen jaor lang schreef en sprak hi’j kollums (Stellingwarver Stiekelstokkies) veur de regionaole radio Omrop Fryslân. Hi'j schrift now kollums veur de Leeuwarder Courant. Vaeke is hi'j as verteller bi'j et pad in de noordoostelike perveensies. Veenstra is in 2001 benuumd tot Ridder in de Odder van Oranje-Nassau veur zien wark in en veur et Stellingwarfs. In meert 2021 wodden hi'j benuumd töt erebörger van 'e gemiente Weststellingwarf.

Sund 22 juni 2003 hoolt Veenstra op zien eigen webstee een dagboek bi'j, daoras vaeke ni'js in staot over Nedersaksische zaeken. Zoemer 2021 hol et dagboek op mit verschienen op internet en begunde Veenstra in plaese daorvan weekberichten te sturen over de aemel. Kot daornao had hi'j een ni'je webstee en begunde hi'j vanni'js mit et internetdagboek.

Boeken[bewark | bronkode bewarken]

  • Wilde Gaanzen, verhaelen en gedichten, 1974
  • Fluitekruud, verhaelen, 1977
  • As de wilde roze bluuit, gedichten, 1979
  • Een vlinder van zulver, roman, 1981
  • Naachs goelen de honnen, roman, 1984
  • Lamert en Lutske, verhaelen, 1987
  • De toren van De Lichtmis, gedichten, 1988
  • Lamert, Lutske en Doerak, verhaelen, 1990
  • Stellingwarver Stiekelstokkies, radiovertellegies, 1991
  • De boot naor Valhöll, verhaelen, 1992
  • Stellingwarver Stiekelstokkies 2, radiovertellegies, 1993
  • Sletel parredies, gedichten, 1994
  • Stellingwarver Stiekelstokkies 3, radiovertellegies, 1995
  • Een meenske is gien eerpel, verhaelen, 1997
  • Verrassend Stellingwarfs, vertaelings, 1998
  • Toegift, roman, 1999
  • Winterlaand, gedichten, 2001
  • Wonder boven wonder, volksverhaelen, 2002
  • De wereld is gek, verhaelen, 2004
  • Een brogge van glas, roman, 2006
  • Longerlaand, gedichten (tegere mit Peter Hiemstra), 2007
  • Et geheim van de wiend, roman, 2009
  • In brêge fan glês, roman, 2009 (Friese vertaeling van Een brogge van glas)
  • Mit et waeter veur de dokter, verhaelen, 2012
  • Een vrouw van ivoor, roman, 2015
  • De overkaant van et waeter, gedichten, 2017
  • Vroeger is veurgoed veurbi'j, roman, 2018
  • Et liek in de Lende, literaire thriller, 2021
  • Naozoemerlaand, verhaelen, 2023

Literaire/kulturele priezen en onderscheiding[bewark | bronkode bewarken]

  • H.J. Bergveld-pries, 1984 veur Naachs goelen de honnen
  • H.J. Bergveld-pries, 1991 veur Een vlinder van zulver
  • Siemonsma Cultuurprijs, 2002
  • Streektaalprijs 2009 Dagblad van het Noorden, 2010 veur Et geheim van de wiend
  • Stellingwarf-Trofee, 2010
  • Streektaalprijs 2015 Dagblad van het Noorden, 2016, veur Een vrouw van ivoor
  • Rink van der Veldepries, 2020, veur Vroeger is veurgoed veurbi’j
  • Zulveren Anjer, 2021

Uutgaonde verwiezings[bewark | bronkode bewarken]