Eierkuuln

Uut Wikipedia, de vrye encyklopedy

Eierkuuln is ne tradisie in Tweante en Sallaand um Poasken. Dr zeent twee variaantn van:

Vanof nen boarg kuult teegnspöllers oawer ne glad-estrekne bane met hart ekokte eier. Denne woervan as t ei t vearste rolt, hef ewunn. Den krig t t ei van de teegnspöller. Bie n aandern variaant probeert teegnspöllers um t vurige ei met t eegne ei te raakn. Dit lik op t Fraanske Jeu Des Boules [1] en wörd ook wal eiertikn eneumd.

Oetleg[bewark | bronkode bewarken]

Eierbuuln

t Poaskefeest hef n antal van oorsproonk heednse invloodn, dee as allemoal van de oolde Sassiese Ostarafeestn komt. t Ei is n symbool vuur niej leawn, vandoar det det völle in t vuurjoar gebroekt wörd. Umdet in t vuurjoar de wearld wier mear kluur krig, skildert keender de eier in felle kluurn. Dit kan ook makkelik wean um ze wierumme te veendn in t grös.

Vuur Poasken an goat vrouwleu eierbuulkes höakn. Det is n netjen vuur de keender woerin as ze öare eier doon köant. Um t deenk op te rekn hangt ze vake nen sinaasappel oonderin, wat meteen n gezoond häpken is. Dit is nit gebroekelik in alle plaatsn. In wat plaatsn hooldt ze de eier ook gewoon in de haande.

Verwiezingn[bewark | bronkode bewarken]

  1. http://www.oaldheldern.nl/?pagina=content&content=Eierkulen
Wikimedia Commons Commons: Eierkuuln - plaatjes, filmkes en/of gelüüdsbestanden.