De Wiek (Drenthe)
De Wiek is een dörp in de Nederlaandse pervincie Drenthe, gemiente De Wolden, mit ongeveer 3.000 inwoners (1 jannewaori 2004). Iene van De Wiek het een Wieker.
De Wiek is een ontginningsdörp, ontstaon in de middelieuwen in 't dal van de Riest. 't Was töt 1 jannewaori 1998 't heufddörp van de veurmaolige gemiente De Wiek, waortoe ok Koekange en een groot antal gebieden beheurden. Veural nao de Tweeide Wereldoorlog is 't dörp daorumme stark uutebreid mit ni'jbouw. Bezienswaordig is stellingmeule De Wieker Meule uut 1829.
De Wiek hef een veule veurzienings, waorunder een bibliotheek, een openbaore basisschoele, een sporthal, sportvelden, een zwembad, een supermarkt, een postagentschop, verscheiden aandere winkels en bedrieven en een groot antal horecagelegenheden.
De umgeving van De Wiek wördt ekenmarkt deur 't weidelaandschop van 't Riestdal. In 't zuudwesten van 't dörp lig 't bosrieke laandgoed Dickninge uut de negentiende ieuw, det vri'j toegaankelijk is. Enkele kilometers in 't oosten van 't dörp, an de Staopelerweg, is 't bezukerscentrum van Stichting Het Drentse Landschap te vienden.
Kunnigheid[bewark | bronkode bewarken]
- Jan Poortman, schriever en onderwiezer, geboren op De Wiek
- Ria Westerhuis, schriefster, woonachtig op De Wiek
Plaotiesriege[bewark | bronkode bewarken]
-
Vroggere openbaore basisschoele op De Wiek (evestigd 1913) -
Een kapperszake op De Wiek adverteert in 't Drèents 'veur echte kerels' -
Hof an een straote op De Wiek -
't Drèents-Oaveriesselse grèensreviertien de Riest bi'j De Wiek
